TAG Uwch Gyfrannol/Safon Uwch Cymdeithaseg
- Campws Y Graig
Astudiaeth o ymddygiadau a rhyngweithiadau dynol yw cymdeithaseg ac mae’n faes o ddiddordeb a dylanwad academaidd sy’n tyfu. Mae’r cwrs cymdeithaseg hwn yn edrych yn fanwl ar faterion cyfoes yn ein cymdeithas megis anghydraddoldebau cymdeithasol mewn perthynas â hil, rhyw, a dosbarth cymdeithasol drwy astudio sefydliadau cymdeithasol megis y teulu, addysg a throsedd.
Yn ogystal â dod ar draws y pynciau hyn yn yr ystafell ddosbarth academaidd, mae ymweliadau coleg i leoedd megis Carchar EM Abertawe, yn helpu myfyrwyr i gymhwyso’r theori at sefyllfaoedd ymarferol yn ogystal ag ennill cipolwg ar y gyrfaoedd niferus sydd ar gael yn y maes hwn.
Manylion y cwrs
- Llawn amser
- Wyneb i Wyneb
Ffi Gweinyddu: £25.00
Beth fyddwch chi'n ei ddysgu
-
Nodweddion y Rhaglen
-
Cynnwys y Rhaglen
-
Dilyniant a Chyflogaeth
-
Dull asesu
-
Gofynion Mynediad
-
Costau Ychwanegol
- Cysylltiadau gydag UG llywodraeth a gwleidyddiaeth
- Trafodaethau ynghylch materion cyfoes
- Mae’n datblygu sgiliau trosglwyddadwy.
- Mae’n datblygu sgiliau meddwl yn feirniadol ymhellach
Lefel UG:
Caffael diwylliant a chymdeithaseg y teulu, cymdeithaseg addysg a dulliau ymchwilio cymdeithasegol.
Lefel U2:
Cymdeithaseg trosedd a gwyredd, anghydraddoldeb cymdeithasol a damcaniaeth gymdeithasegol a dulliau ymchwilio.
Gyda phrifysgolion yn cynnig amrywiaeth eang o gyrsiau megis cymdeithaseg a throseddeg, cymdeithaseg a’r gyfraith yn ogystal â chymdeithaseg a pholisi cymdeithasol, mae astudio ar lefel israddedig yn y maes hwn wedi dod yn ddewis poblogaidd gyda’n myfyrwyr. Mae sgiliau sydd wedi eu mireinio mewn cymdeithaseg hefyd yn addas ar gyfer llwybrau dyniaethau a gwyddorau cymdeithasol eraill.
Mae nifer o gyn-fyfyrwyr wedi cwblhau eu graddau gwyddorau cymdeithasol yn llwyddiannus ac maen nhw bellach yn gweithio fel rheolwyr yn y GIG ac mewn agweddau ar waith cymdeithasol i lywodraethau lleol a byrddau iechyd.
Bydd arholiad allanol yn cael ei sefyll ar gyfer pob uned.
Bydd arholiadau’r unedau UG yn cael eu sefyll ar ddiwedd y flwyddyn gyntaf o astudio a bydd arholiadau’r unedau U2 yn cael eu sefyll ar ddiwedd yr ail flwyddyn.
Lleiafswm o chwe chymhwyster TGAU graddau A*-C, i gynnwys: TGAU Saesneg Iaith ar radd B neu uwch, TGAU Mathemateg ar radd C neu uwch.
Mae’n ofynnol i bob dysgwr dalu ffi gweinyddu o £25 cyn cofrestru.
Bydd angen i chi ddarparu eich deunydd ysgrifennu eich hun a hefyd gallwch fynd i gostau os yw’r adran yn trefnu ymweliadau addysgol.