Mae ein Hacademi wedi’i chynllunio’n unigryw i integreiddio hyfforddiant chwaraeon yn ddi-dor â’ch astudiaethau academaidd, gan roi cyfle cytbwys i chi ragori yn y ddau faes.   Wrth wraidd ein cenhadaeth mae ymrwymiad i lunio athletwyr ifanc yn unigolion o safon, gan sicrhau eich bod yn derbyn y gefnogaeth angenrheidiol i ffynnu yn eich gyrfaoedd chwaraeon.   Ond nid rhagoriaeth athletaidd yw unig nod ein fframwaith, rydym yn blaenoriaethu llwyddiannau academaidd hefyd ac wedi creu amgylchedd cyfannol ar gyfer myfyrwyr-athletwyr.

Felly, p’un a yw eich dawn yn perthyn i chwaraeon tîm fel pêl-rwyd, pêl-droed, a rygbi, neu chwaraeon unigol fel athletau, beicio, bocsio, triathlon, traws gwlad, neu chwaraeon eraill, mae ein rhaglen gynhwysfawr yn cynnig y gefnogaeth gadarn sydd ei hangen arnoch i’ch helpu i ymdopi yn y coleg wrth geisio rhagoriaeth chwaraeon.

Fel aelod o’r Academi Chwaraeon bydd gennych fynediad i amrywiaeth o gyfleusterau i helpu eich datblygiad, gan gynnwys cae chwarae 3G o’r radd flaenaf sy’n sicrhau cyfleusterau hyfforddi trwy gydol y flwyddyn mewn amodau tywydd amrywiol.  Yn ogystal, mae gennym gyfleuster codi pwysau a chyflyru sy’n arwain y sector a gynlluniwyd i fodloni gofynion athletwyr elit, ochr yn ochr â champfa a  swît gwyddor chwaraeon.   Caiff y cyfleusterau hyn eu hategu gan neuadd chwaraeon, sy’n cynnig gofod amlddefnydd ar gyfer llu o chwaraeon a gweithgareddau dan do. 

Byddwch hefyd yn elwa ar y partneriaethau cryf rydym wedi’u meithrin â sefydliadau nodedig, gan gynnwys Undeb Rygbi Cymru (URC), y Scarlets, Clwb Pêl-droed Llanelli, clwb codi pwysau Llanelli, Colegau Cymru, ac AoC Sport. 

Felly, os hoffech chi ymuno ag academi chwaraeon Coleg Sir Gâr ac anelu at ragoriaeth mewn chwaraeon a gwaith academaidd hefyd, llenwch y ffurflen isod neu galwch heibio i ymweld â ni ar un o’n diwrnodau agored.