Nosweithiau Agored

Nosweithiau agored yw eich cyfle i ddod i’r coleg a darganfod sut brofiad yw astudio gyda ni.  Byddwch yn cael cyfle i fynd ar daith o gwmpas ein cyfleusterau, ymweld â dosbarthiadau a mynychu sgyrsiau llawn gwybodaeth sy’n tynnu sylw at y rhaglenni academaidd, gweithgareddau allgyrsiol, a gwasanaethau cymorth sydd ar gael i chi.

Bydd staff addysgu a llysgenhadon myfyrwyr wrth law i ateb unrhyw gwestiynau a allai fod gennych, felly p’un a ydych yn gwybod beth rydych am ei astudio, neu’n dal yn ansicr, byddwch yn gallu casglu’r holl wybodaeth sydd ei hangen arnoch i’ch helpu penderfynu.

Bydd ein timau lles a gweinyddol hefyd o gwmpas i’ch helpu i ddatrys unrhyw ymholiadau logistaidd a allai fod gennych, fel cludiant, cyllid ac anghenion cymorth ychwanegol. 

Cofiwch, os oes gennych chi gwrs galwedigaethol penodol mewn golwg, maen nhw’n cael eu cynnal ar wahanol gampysau, felly gwnewch yn siŵr eich bod chi’n mynd i’r un iawn. (Mae’r campysau wedi’u rhestru ger brig pob tudalen disgrifiad cwrs.)

Edrychwn ymlaen at gwrdd â chi wyneb yn wyneb, siarad â chi am eich uchelgeisiau a’ch helpu i gymryd y camau nesaf ar daith addysgol.