TAG Safon Uwch Iechyd a Gofal Cymdeithasol a gofal plant

Lefel UG Uned 1 UG: Hyrwyddo iechyd a lles - asesir trwy arholiad ysgrifenedig. 

•  Dwy awr 20% o’r cymhwyster
•  80 marc
•  Ystod o fathau o gwestiynau wedi’u cyflwyno fel llyfryn cwestiwn-ac-ateb
•  Mae’r holl gwestiynau yn orfodol

Uned 2 UG: Caiff cefnogi iechyd, lles a gwytnwch yng Nghymru ei hasesu trwy asesiad di-arholiad a’i marcio gan eich athro, ond caiff ei chymedroli’n allanol gan CBAC. 

• Tua 30 awr 
• 20% o’r cymhwyster 100 marc 
• Tasg sy’n asesu eich gwybodaeth, eich dealltwriaeth a’ch sgiliau ynghylch sut y cefnogir iechyd, lles a gwytnwch unigolion yng Nghymru trwy ofal sy’n canolbwyntio ar ganlyniadau.

Safon Uwch Unedau 1 a 2, ynghyd â:

Llwybr gofal plant

Uned 3 U2: Safbwyntiau damcaniaethol am ddatblygiad plant a phobl ifanc. Asesir trwy arholiad ysgrifenedig.

• Dwy awr 30 munud 
• 30% o’r cymhwyster 100 marc 
• Ystod o fathau o gwestiynau wedi’u cyflwyno fel llyfryn cwestiwn-ac-ateb mewn dwy ran: - Adran A (40 marc) yn ymwneud â deunydd blaengyhoeddedig. - Adran B (60 marc) 
• Mae’r holl gwestiynau yn orfodol

Uned 4 U2: Caiff cefnogi datblygiad, iechyd, lles a gwytnwch plant a phobl ifanc ei hasesu trwy asesiad di-arholiad, ei marcio gan eich athro, a’i chymedroli’n allanol gan CBAC.

•  Tua 40 awr 30% o’r cymhwyster 
• 100 marc
•  Tasg sy’n asesu eich gwybodaeth, eich dealltwriaeth a’ch sgiliau ynghylch datblygiad, iechyd, lles a gwytnwch plant a phobl ifanc yng Nghymru, ac mae gofyn i chi gynhyrchu adnodd gwybodaeth ar gyfer rhywun sy’n cynllunio gyrfa yn y sector gofal plant yn y dyfodol.

Mae’r fanyleb hon yn darparu cwrs astudio cydlynol, boddhaus a gwerth chweil i chi hyd yn oed os nad ydych yn symud ymlaen i astudiaeth bellach yn y pwnc hwn. Mae’n darparu sylfaen addas ar gyfer astudio iechyd a gofal cymdeithasol a gofal plant drwy ystod o gyrsiau addysg uwch, neu i mewn i gyflogaeth. Yn ogystal mae’n bosibl y byddwch yn symud ymlaen i gymwysterau eraill o fewn y swît iechyd a gofal cymdeithasol a gofal plant. Nid yw’r fanyleb yn oed-benodol a, fel y cyfryw, mae’n darparu cyfleoedd i chi ehangu eich dysgu gydol oes.

Byddwch yn ennill dealltwriaeth fanwl o sut mae darpariaeth gwasanaethau yng Nghymru yn cefnogi datblygiad a lles unigolion, i allu gwneud penderfyniadau deallus nawr a nes ymlaen mewn bywyd. Mae’r fanyleb yn cynnwys materion cyfoes ynghylch darpariaeth system iechyd a gofal cymdeithasol a gofal plant foesegol a chynaliadwy yng Nghymru, a bydd yn eich galluogi i wneud penderfyniadau deallus ynghylch cyfleoedd dysgu pellach neu i barhau i ddewisiadau gyrfaol perthynol.

Rydych yn cyflwyno gwaith ar gyfer ei asesu ar ddiwedd pob uned astudio. Caiff pob uned arbenigol ei graddio. Mae’r gwaith yn ddarostyngedig i ddilysu mewnol ac allanol.

Lleiafswm o chwe chymhwyster TGAU graddau A*-C, i gynnwys:  TGAU Mathemateg, Saesneg Iaith ar radd C neu uwch.

Mae’n ofynnol i bob dysgwr dalu ffi gweinyddu o £25 cyn cofrestru.

Bydd angen i chi ddarparu eich deunydd ysgrifennu eich hun a hefyd gallwch fynd i gostau os yw’r adran yn trefnu ymweliadau addysgol.