Clwb Sadwrn Celf, Dylunio a Ffasiwn (Cwrs Coleg)
- Campws Y Graig
Mae’r Clwb Sadwrn Celf, Dylunio a Ffasiwn hwn yn rhaglen gyffrous, werth chweil a ledled y wlad a gyflwynir yma yng Ngholeg Sir Gâr, sy’n rhad ac am ddim i bob dysgwr 13 - 16 oed.
Byddwch yn cael y cyfle, yr arweiniad a’r gefnogaeth i arbrofi â phob peth creadigol. Darperir yr holl gyfleusterau, deunyddiau a chyfarpar i aelodau’r clybiau eu defnyddio ac i archwilio â nhw. Dyma gyfle i roi cynnig ar rywbeth newydd ac i herio eich meddwl creadigol a’ch gallu i ddatrys problemau drwy raglen greadigol amrywiol a deinamig.
Mae gweithio gydag unigolion creadigol eraill yn caniatáu cyfle i gydweithio a dysgu oddi wrth eich gilydd ond hefyd i feithrin cyfeillgarwch.
I wneud cais, e-bostiwch:
tuesday.howells@colegsirgar.ac.uk
Manylion y cwrs
- Rhan amser
Beth fyddwch chi'n ei ddysgu
Mae rhaglen y Clwb Sadwrn yn cynnwys gweithdai am 30 wythnos wedi’u lleoli ar gampws y Graig, dosbarth meistr gydag unigolyn blaenllaw’r diwydiant, cyflwyno gwaith ar gyfer ein harddangosfa ddigidol flynyddol, ymweliad â Llundain ar gyfer ein graddio a golwg breifat ar ein harddangosfa ffisegol a gynhelir yn Nhŷ Somerset!
Cawn ein cefnogi â balchder gan Gyngor Celfyddydau Lloegr, Ymgyrraedd yn Ehangach a’r Adran Addysg. Mewn partneriaeth â Sefydliad Cyngor Ffasiwn Prydain, Sefydliad Ffasiwn Prydain a Chatham House.
Mae’r clwb yn agor llwybrau ar gyfer symud ymlaen i gyrsiau creadigol ac mae llawer o’n haelodau yn gwneud cais am ein cyrsiau Celf a Dylunio yn y coleg yn y blynyddoedd dilynol. Ein ffocws yw galluogi ein pobl ifanc i brofi a datblygu eu sgiliau a’u diddordebau, yn ogystal â datblygu sgiliau trosglwyddadwy fel cydweithio, annibyniaeth, sgiliau cymdeithasol, cyfathrebu, meddwl yn greadigol a datrys problemau.
Hefyd gall dysgwyr ddefnyddio’r gwaith a gynhyrchir yn y Clwb Sadwrn i ategu pynciau TGAU lle bo’n briodol.
Does dim gofynion mynediad nac unrhyw angen am gefndir creadigol. Y cyfan yr ydym yn ei ofyn yw eich bod yn dod ag awydd i gael hwyl, ennill sgiliau creadigol a pharodrwydd i ymuno lle y gallwch!
I wneud cais, e-bostiwch:
tuesday.howells@colegsirgar.ac.uk
Saturday Club Instagram
National Saturday Club Website