Sgiliau ar gyfer Bywyd Gwaith mewn Astudiaethau ar Dir (Anifeiliaid a Cheffylau) - Diploma Mynediad 3 (Cwrs Coleg)
- Campws Pibwrlwyd
Bydd y cwrs hwn yn eich galluogi i ddatblygu ystod eang o sgiliau, o fod yn gallu cyfathrebu ag eraill a gweithio’n ddiogel i allu rhoi ffrwyn a chyfrwy ar geffyl. Bydd y cwrs yn cynnwys gweithio’n uniongyrchol o fewn y ganolfan gofal anifeiliaid a’r iard geffylau sydd ar y safle. Ar y cyfan, mae’r cwrs hwn yn un ymarferol ond byddwch yn gweithio mewn ystafell ddosbarth i gwblhau eich portffolio.
Manylion y cwrs
- Llawn amser
- Saesneg
Beth fyddwch chi'n ei ddysgu
-
Nodweddion y Rhaglen
-
Cynnwys y Rhaglen
-
Dilyniant a Chyflogaeth
-
Dull asesu
-
Gofynion Mynediad
-
Costau Ychwanegol
Byddwch yn gweithio’n agos gyda thiwtoriaid eich cwrs i gwblhau’r cwrs. Byddwch yn y coleg 3 diwrnod yr wythnos, gyda gwaith ymarferol y rhan fwyaf o’r diwrnodau. Bydd y cwrs hwn yn golygu eich bod yn gweithio’n uniongyrchol gydag amrywiaeth eang o anifeiliaid ar y safle, gan gynnwys adar, geifr, ymlusgiaid, moch cwta, cwningod, pysgod a cheffylau. Bydd y gwersi yn gymysgedd o waith ymarferol a gwaith dosbarth.
Mae’r modiwlau ar y cymhwyster hwn yn cynnwys y canlynol:
- Gweithio’n Ddiogel
- Codi a Thrin yn Ddiogel
- Cyfathrebu Effeithiol
- Adnabod Buddion Amser Hamdden
- Cymryd Rhan mewn Gweithgareddau Hamdden
- Archwilio Hawliau a Chyfrifoldebau yn y Gwaith
- Cynllunio ar gyfer Dilyniant
- Adnabod Mathau a Rhannau o Gorff Anifeiliaid Bach
- Gwirio bod Anifail Bach yn Iach
- Cynorthwyo gyda Dal a Ffrwyno Anifail Bach
- Twtio Anifail Bach
- Dangos Ymwelwyr o Gwmpas Menter Anifeiliaid Bach
- Adnabod Arwyddion Iechyd mewn Ceffyl
- Ffitio a Thynnu Ryg
- Glanhau Tac Ceffylau
- Dal ac Arwain Ceffyl
- Rhoi Cyfrwy a Ffrwyn ar Geffyl
- Adnabod Anifail Fferm Iach
- Glanhau Llety Anifeiliaid Fferm
- Sesiynau Dysgu Ymarferol
Cewch gyfle i ymgymryd ag ystod o sgiliau megis:
- Sgiliau Hanfodol Cymru Cyfathrebu
- Sgiliau Hanfodol Cymru Cymhwyso Rhif
- TGAU neu gymhwyster Agored mewn Saesneg a Mathemateg
Bydd cwblhau’r cwrs Mynediad 3 mewn gofal anifeiliaid yn eich galluogi i symud ymlaen i’r cwrs gofal anifeiliaid lefel 1 yn y coleg os byddwch yn pasio mynediad 3 ac yn cael cyfweliad llwyddiannus. Yn ogystal, bydd yn eich galluogi i symud ymlaen i gyrsiau lefel 1 eraill yn y coleg.
Byddwch yn gwneud tasgau ymarferol yn bennaf er mwyn dangos sut mae eich dealltwriaeth o’r hyn rydych wedi’i ddysgu wedi datblygu. Yn ogystal, bydd hi’n ofynnol i chi lenwi portffolio o wybodaeth er mwyn ennill eich cymhwyster. Caiff tasgau ymarferol eu gwneud yn y ganolfan gofal anifeiliaid ar y safle a’r iard geffylau ar y safle.
Does dim angen unrhyw gymwysterau i gael mynediad i’r cwrs. Fodd bynnag, rhaid i chi gael cyfweliad llwyddiannus.
Bydd asesiad sylfaenol yn ystod y cyfnod cynefino.
Mae’n ofynnol i bob dysgwr dalu ffi gweinyddu o £25 cyn cofrestru.
Bydd angen i chi ddarparu eich deunydd ysgrifennu eich hun ac mae’n bosibl hefyd y bydd gofyn i chi dalu am ymweliadau addysgol y mae’r adran yn eu trefnu.
Mae Cyfarpar Diogelu Personol (PPE) yn orfodol er mwyn i chi ymgymryd ag elfennau ymarferol y cwrs. Bydd rhaid i chi ddarparu oferôls, top sgryb, welingtons neu fŵts, siaced gwrth-ddŵr ac o bosibl trowsus gwrth-ddŵr.