Gwasrawd Sylfaen Cymdeithas Ceffylau Prydain Cam 2 Gofal Ac Arwain (Lefel 2)
- Campws Pibwrlwyd
Bydd dysgwyr yn mynychu’r coleg un diwrnod yr wythnos, bob dydd Mawrth trwy gydol y flwyddyn academaidd. Nod y cwrs yw datblygu gwybodaeth ddamcaniaethol, sgiliau marchogaeth ymarferol a thechneg asesu’r dysgwr wrth baratoi ar gyfer arholiad Cymhwyster Gofal ac Arwain Cam 2 Cymdeithas Ceffylau Prydain (BHS). Bydd y diwrnod yn y coleg yn cynnwys sesiynau theori yn yr ystafell ddosbarth ac yna sesiynau ymarferol ar iard y coleg gan ddefnyddio ceffylau’r coleg a chyfleusterau ceffylau y coleg.
Bydd y cymhwyster hwn yn ehangu ar wybodaeth a enillwyd yn y cymhwyster Gofal Cam 1 BHS gyda meysydd pwnc newydd fel; Cyflwyniad i Anatomeg, Ffitrwydd a Chyflwyno ac arwain ceffylau dan oruchwyliaeth.
Manylion y cwrs
- Rhan amser
- Saesneg
Beth fyddwch chi'n ei ddysgu
-
Nodweddion y Rhaglen
-
Cynnwys y Rhaglen
-
Dilyniant a Chyflogaeth
-
Dull asesu
-
Gofynion Mynediad
-
Costau Ychwanegol
Mae arholiadau Cymdeithas Ceffylau Prydain yn cael eu cydnabod yn rhyngwladol fel cymwysterau safon y diwydiant. Bydd dysgwyr yn astudio yng Ngholeg Sir Gâr, canolfan arholi a gymeradwyir gan Gymdeithas Ceffylau Prydain. Mae cyfleusterau’r coleg yn cynnwys ysgol dan do, menage awyr agored a llety mewn stablau i tua 14 o geffylau. Caiff y cwrs hwn ei addysgu gan ddarlithwyr cymwys Cymdeithas Ceffylau Prydain.
Mae enghreifftiau o’r unedau astudio yn cynnwys:
- Gwybod am rolau, hawliau a chyfrifoldebau Gwastrawd
- Porthi a Dyfrhau
- Iechyd ac Anatomeg Ceffylau
- Gofal Glaswelltir a Chynllunio Stablau
- Arwain ceffyl dan oruchwyliaeth
- Pedoli, Clipio a Thrimio
- Gwastrodi, plethu a gosod cyfarpar
- Ffitrwydd ar gyfer gwaith
Bydd unigolion yn ennill cymhwyster Gwastrawd Sylfaen y BHS a all arwain at rolau proffesiynol fel Gwastrawd Cynorthwyol neu Gynorthwyydd Iard neu ddarparu mynediad i gwrs Gofal Ceffylau Cam 3 BHSQ/Prentisiaeth Astudiaethau Ceffylau Lefel 3 yng Ngholeg Sir Gâr.
Bydd dysgwyr yn ymgymryd ag arholiad BHS ymarferol ffurfiol/llafar ymarferol ar ddiwedd eu cwrs, gan arholwyr allanol y BHS. Cynhelir yr arholiad Gwybodaeth a Gofal Ceffylau Cam 2 BHSQ ar Gampws Pibwrlwyd yng Ngholeg Sir Gâr. Bydd y dysgwyr hyn yn cael eu hasesu’n barhaus yn y coleg gan staff cymwys y coleg trwy gyfrwng gwaith cwrs, aseiniadau, gwaith ymarferol, trafodaethau llafar ac arsylwadau.
- Hyfforddi tuag at gymhwyster Cam 2 BHS
- Eisoes wedi ennill eu Cam 1 BHSQ
- Myfyrwyr astudiaethau ceffylau’r coleg
- Aelodau’r Pony Club sydd â C+
- Y rheiny sydd am ddatblygu eu gwybodaeth am ofal a thrafod ceffylau.
- Mae Aelodaeth Aur Cymdeithas Ceffylau Prydain yn ofynnol
- Rhaid i ddysgwyr fod yn 16 oed o leiaf.
- Mae ffi cwrs rhan-amser ar gyfer y cwrs hwn ym Mand Ffi P £759
- Yn ogystal, bydd ymgeiswyr angen Aelodaeth Aur Cymdeithas Ceffylau Prydain, gellir ei brynu’n uniongyrchol gan y BHS. Mae hwn yn danysgrifiad blynyddol sy’n caniatáu i unigolion gymryd rhan mewn arholiadau BHS.
- Bydd angen i chi ddarparu eich PPE eich hun ar gyfer yr elfennau ymarferol gan gynnwys esgidiau diogel addas, menig a het farchogaeth sy’n bodloni’r safonau diogelwch cyfredol.