Lefel 2 a 3 Iechyd a Gofal Cymdeithasol: ymarfer - Oedolion/Plant a Phobl Ifanc
- Campws Aberystwyth
Mae gweithio ym maes iechyd a gofal cymdeithasol yn golygu darparu cefnogaeth, cymorth a gofal i unigolion a all fod ag anghenion corfforol, meddyliol neu gymdeithasol. Mae’n faes eang sy’n cwmpasu rolau a lleoliadau amrywiol.
Lefel 2 a 3 Iechyd a Gofal Cymdeithasol - Ymarfer
Mae’r cymhwyster hwn ar gyfer y rheiny sy’n gweithio, neu sy’n dymuno gweithio mewn iechyd a gofal cymdeithasol.
Mae’r cymhwyster hwn yn datblygu gallu dysgwyr i gefnogi anghenion iechyd a gofal oedolion yn ymarferol mewn ystod o leoliadau. Mae cynnwys y cymhwyster hwn yn cadarnhau gwybodaeth a gafwyd trwy gyflawni’r cymhwyster lefel dau Iechyd a Gofal Cymdeithasol: Craidd.
Mae’r cymhwyster hwn yn seiliedig ar ymarfer. Mae wedi’i gynllunio ar gyfer dysgwyr mewn dysgu seiliedig ar waith. Bydd y cymhwyster yn asesu gwybodaeth ac ymarfer dysgwyr trwy eu gwaith.
Mae’r cymhwyster hwn yn ofynnol er mwyn i ddysgwyr weithio mewn swyddi penodol yn y sector iechyd a gofal cymdeithasol fel y nodir yn Fframwaith Cymwysterau Gofal Cymdeithasol Cymru ar gyfer Gofal Cymdeithasol.
Manylion y cwrs
Beth fyddwch chi'n ei ddysgu
-
Nodweddion y Rhaglen
-
Cynnwys y Rhaglen
-
Dilyniant a Chyflogaeth
-
Dull asesu
-
Gofynion Mynediad
-
Costau Ychwanegol
Mae hwn yn gwrs hyblyg, wedi’i gynllunio i weddu i ddysgwyr sy’n well ganddynt barhau i weithio ochr yn ochr â’r cymhwyster.
I gyflawni’r cymhwyster Lefel 2 a 3 Iechyd a Gofal Cymdeithasol: Ymarfer (Oedolion) rhaid i ddysgwyr:
- Gyflawni lleiafswm o 35 credyd i gyd.
- Rhaid cyflawni 14 credyd o’r grŵp gorfodol.
- Rhaid cyflawni lleiafswm o 14 credyd o grŵp opsiynol A.
- Gellir cyflawni’r 7 credyd sy’n weddill o’r unedau yng ngrwpiau opsiynol A neu B.
- Gellir cyflawni mwyafswm o 14 credyd o grŵp opsiynol A a B o unedau ar lefel 3
- Yr isafswm oriau dysgu dan arweiniad sydd eu hangen ar gyfer y cymhwyster hwn yw 175.
Mae’r cymhwyster hwn yn cefnogi dysgwyr i symud ymlaen i astudiaeth bellach; gan gynnwys y cymwysterau canlynol o fewn y gyfres Iechyd a Gofal Cymdeithasol
Mae’r cymhwyster yn caniatáu dysgwyr i symud ymlaen i’r
cymhwyster Consortiwm* canlynol:
- Lefel 3 Iechyd a Gofal Cymdeithasol: Ymarfer (Oedolion)
- Lefel 3 Iechyd a Gofal Cymdeithasol: Ymarfer (Plant a Phobl Ifanc)
*Mae’r consortiwm yn cynnwys City & Guilds of London Institute a CBAC a weithiodd ar y cyd i ddatblygu a chyflwyno’r holl gymwysterau yn y gyfres Iechyd a Gofal Cymdeithasol a Gofal, Chwarae, Dysgu a Datblygiad Plant.
- Mae’r cymhwyster hwn yn seiliedig ar ymarfer ac mae’n asesu gwybodaeth ac ymarfer dysgwyr. Mae wedi’i gynllunio ar gyfer dysgwyr mewn dysgu seiliedig ar waith.
- Bydd y cymhwyster yn asesu gwybodaeth ac ymarfer dysgwyr trwy eu gwaith.
Bydd gofyn i chi ymgymryd â chyfweliad llwyddiannus a chael eich asesu’n ffurfiol gan ddefnyddio pecyn cymorth WEST.
Yn ogystal, bydd angen gwiriad DBS manwl boddhaol arnoch - £55.50.
Bydd angen i chi ddarparu eich deunydd ysgrifennu eich hun.
Rhaid i’r gweithle ganiatáu digon o amser i alluogi cyfarfodydd rheolaidd rhwng aseswr, dysgwr a rheolwr.