Gofal, chwarae, dysgu a datblygiad plant - Lefel 3 (Lefel 3)
- Campws Aberystwyth
Gall gweithio gyda phlant fod yn ddewis gyrfa gwerth chweil a boddhaus i unigolion sy’n frwdfrydig dros siapio a meithrin meddyliau ifanc.
Mae’r cymhwyster lefel tri gofal, chwarae, dysgu a datblygiad plant: craidd, ymarfer a theori yn cyfuno gwybodaeth ddamcaniaethol mewn gofal, chwarae, dysgu a datblygiad plant gyda’r sgiliau ymarferol sydd eu hangen i weithio yn y sector fydd yn darparu’r drwydded i chi ymarfer.
Rhennir y rhaglen yn ddwy adran - y craidd a’r elfen theori ac ymarfer dros raglen astudio dwy flynedd.
Bydd gofyn i chi ymgymryd â lleoliad gwaith bob yn ail wythnos (dros ddwy flynedd) yn gweithio mewn amgylcheddau gwaith go iawn, sef cyfanswm o 720 awr a drefnir gan aseswr y coleg. Bydd yr aseswr yn gwneud arsylwadau yn y gweithle i sicrhau eich bod yn bodloni’r meini prawf gweithle penodol a hefyd bydd angen i chi lunio portffolio ymarfer.
Cewch y cyfle i wella eich sgiliau Cymraeg ac ennill cymwysterau cymorth cyntaf.
Manylion y cwrs
- Llawn amser
Beth fyddwch chi'n ei ddysgu
-
Nodweddion y Rhaglen
-
Dilyniant a Chyflogaeth
-
Cynnwys y Rhaglen
-
Dull asesu
-
Gofynion Mynediad
-
Costau Ychwanegol
Mae wedi’i gynllunio’n bennaf ar gyfer dysgwyr ôl-16 mewn addysg bellach:
- Sydd â diddordeb mewn gweithio mewn rôl gefnogi yn y sector gofal plant
- Sy’n dychwelyd i’r gweithlu ar ôl seibiant gyrfa ac sy’n dymuno diweddaru eu gwybodaeth a’u sgiliau yn y sector gofal plant.
Bydd dysgwyr nad ydynt hyd yma wedi cwblhau cymwysterau craidd lefel dau gofal, chwarae, dysgu a datblygiad plant, yn cwblhau’r craidd ochr yn ochr â’r cymhwyster hwn ym mlwyddyn un.
Bydd siaradwyr gwadd ac arbenigwyr hefyd yn dod i’r coleg i siarad â chi am eu profiadau o fewn gwahanol sectorau gan gynnwys gwasanaethau statudol, gwirfoddol a thrydydd parti. Hefyd byddwch yn cael y cyfle i gymryd rhan mewn profiadau Cymraeg a diwylliannol er mwyn gwella cyflogadwyedd.
Gall dysgwyr symud ymlaen i raddau sylfaen, cyflogaeth neu brentisiaethau.
Mae’r swyddi canlynol yn feysydd y mae cyn-fyfyrwyr wedi symud ymlaen iddynt:
- Gweithiwr gofal
- Gofalwr plant
- Ymarferydd meithrinfa
- Gweithiwr cyn-ysgol
- Gweithiwr plant allan o’r ysgol
- Gweithiwr Cylch Meithrin
- Cynorthwyydd addysgu
- Athro/athrawes ysgol gynradd – yn dilyn dilyniant i’r brifysgol.
Caiff cymhwyster Craidd Gofal, Chwarae, Dysgu a Datblygiad Plant ei gyflwyno yn ystod blwyddyn un. Caiff cymhwyster Theori ac Ymarfer Gofal, Chwarae, Dysgu a Datblygiad Plant ei gyflwyno dros y ddwy flynedd.
Mae’r cymhwyster yn cwmpasu gwybodaeth a dealltwriaeth sylfaenol Fframwaith Sefydlu Cymru Gyfan newydd ar gyfer y Blynyddoedd Cynnar a Gofal Plant ac mae’n adlewyrchu ystod o wahanol rolau ac oedrannau.
Blwyddyn 1 - Adran Deilliannau dysgu Craidd Datblygiad (0-19 oed) i gynnwys:
- Egwyddorion a Gwerthoedd Gofal, Chwarae, Dysgu a Datblygiad Plant (0-19 oed)
- Iechyd, Lles, Dysgu a Datblygiad
- Ymarfer Proffesiynol fel Gweithiwr Blynyddoedd Cynnar a Gofal Plant
- Diogelu Plant
- Iechyd a diogelwch mewn Gofal, Chwarae, Dysgu a Datblygiad Plant
Theori ac Ymarfer Gofal, Chwarae, Dysgu a Datblygiad Plant i’w gwblhau dros ddwy flynedd
Trwy gwblhau’r cymhwyster hwn, bydd dysgwyr yn gallu dangos yn ymarferol eu bod yn:
- Deall, ac yn defnyddio mewn ymarfer, yr egwyddorion a’r gwerthoedd sy’n tanategu gofal, chwarae, dysgu a datblygiad plant.
- Deall, ac yn defnyddio mewn ymarfer, dulliau gweithredu plentyn-ganolog i ofal, chwarae a dysgu
- Gallu hyrwyddo a chefnogi datblygiad plant trwy eu hymarfer eu hunain.
- Gallu gwerthuso ymchwil a theorïau i gefnogi ymarfer
- Ymwybodol o bolisïau allweddol yn y sector a sut mae’r rhain yn effeithio ar ddatblygu a chyflwyno gwasanaeth
- Gallu gweithio mewn partneriaeth â phlant, eu teuluoedd, gofalwyr ac ystod o weithwyr proffesiynol
- Gallu myfyrio ar ymarfer er mwyn gwella’n barhaus, gallu defnyddio ystod o dechnegau datrys problemau
- Gallu defnyddio llythrennedd, rhifedd a sgiliau cymhwysedd digidol fel sy’n briodol o fewn eu rôl
Dros y ddwy flynedd caiff dysgwyr y cyfle i gwblhau cymhwyster ychwanegol ochr yn ochr naill ai â:
- Gwaith Chwarae
- Bagloriaeth Cymru
Un asesiad amlddewis ym mlwyddyn un (a asesir yn allanol) a phortffolio o weithgareddau ymarferol.
Pum TGAU graddau A*-C i gynnwys Saesneg neu Gymraeg iaith gyntaf gradd C, a mathemateg o leiaf gradd E.
Yn ogystal bydd yn ofynnol i chi gael gwiriad DBS boddhaol a geirda cymeriad.
Bydd pob dysgwr yn dilyn llwybr sgiliau lle byddant yn datblygu eu sgiliau llythrennedd (yn Gymraeg a Saesneg hefyd) a rhifedd ar gyfer cyflogaeth.
Bydd myfyrwyr nad ydynt hyd yma wedi cael y graddau TGAU angenrheidiol ar C neu uwch yn cael addysgu a chymorth ychwanegol i astudio ar gyfer naill ai TGAU neu gymwysterau Sgiliau Hanfodol yn dibynnu ar raddau TGAU blaenorol.
Mae’n ofynnol i bob dysgwr dalu ffi gweinyddu o £25 cyn cofrestru.
Mae’n ofynnol i bob dysgwr gael gwiriad DBS a phrynu iwnifform lleoliad gwaith.
Bydd angen i chi ddarparu eich deunydd ysgrifennu, iwnifform lleoliad eich hun, a hefyd gallwch fynd i gostau os yw’r adran yn trefnu ymweliadau addysgol