Dilyniant mewn Adeiladu a Pheirianneg Gwasanaethau Adeiladu (Cwrs Coleg)
- Campws Rhydaman
Gall gyrfa mewn Adeiladu a Pheirianneg Gwasanaethau Adeiladu fod yn werth chweil ac yn amrywiol, gan gynnig amrywiaeth o gyfleoedd i unigolion sydd â diddordeb yn y diwydiant adeiladu a pheirianneg.
Datblygwyd y Dilyniant mewn Adeiladu fel cymhwyster ôl-16 ar gyfer unigolion sy’n gweithio neu sy’n bwriadu gweithio yn y sector Adeiladu. Bydd y cymhwyster hwn yn galluogi dysgwyr i fynd ymlaen i astudio cyrsiau adeiladu lefel dau neu dri eraill sy’n berthnasol i grefft adeiladu ddewisol.
Cynlluniwyd y cymhwyster yn bennaf er mwyn i ddysgwyr ei ddilyn ar raglen ddysgu lawn amser un flwyddyn o hyd. Mae wedi’i anelu at ddysgwyr sydd wedi cyflawni’r Sylfaen mewn Adeiladu a Pheirianneg Gwasanaethau Adeiladu (lefel 2) ond sydd heb brentisiaeth hyd yma.
Mae’r rhaglen yn caniatáu i fyfyrwyr ddysgu, datblygu ac ymarfer y sgiliau sy’n ofynnol ar gyfer cyflogaeth a/neu ddilyn gyrfa yn y diwydiant adeiladu.
Dewisiadau opsiwn
Dilyniant mewn Adeiladu Lefel 2 - Gosod Brics
Dilyniant mewn Adeiladu Lefel 2 – Gwaith Saer Ar Safle
Dilyniant mewn Adeiladu Lefel 2 – Peintio ac Addurno
Dilyniant mewn Adeiladu Lefel 2 – Plastro Solet
Dilyniant mewn Peirianneg Gwasanaethau Adeiladu Lefel 2 - Systemau electrodechnegol a gosod cyfarpar
Dilyniant mewn Peirianneg Gwasanaethau Adeiladu Lefel 2 - Gwaith Plymwr a Gwresogi.
Manylion y cwrs
- Llawn amser
Beth fyddwch chi'n ei ddysgu
-
Nodweddion y Rhaglen
-
Cynnwys y Rhaglen
-
Dilyniant a Chyflogaeth
-
Dull asesu
-
Gofynion Mynediad
-
Costau Ychwanegol
Cynlluniwyd y cwrs hwn i ddatblygu sgiliau a gwybodaeth myfyrwyr gan eu galluogi i symud ymlaen i’r diwydiant yn eu crefft ddewisol.
Datblygwyd y rhaglen yn benodol i’w chyflwyno mewn amgylchedd hyfforddi modern. Caiff y cwrs ei gyflwyno gan staff tra chymwys a phrofiadol gan ddefnyddio cyfleusterau modern.
Fel rhan o’r rhaglen bydd dysgwyr hefyd yn cwblhau datblygiad sgiliau llythrennedd a rhifedd hanfodol neu sylfaenol. Darperir cyfleoedd yn ogystal i sefyll TGAU mewn Cymraeg, Saesneg a mathemateg ac i ddatblygu’r iaith Gymraeg.
Bydd dysgwyr yn dewis crefft i arbenigo ynddi yn y sector adeiladu ac yn datblygu eu gwybodaeth, sgiliau a dealltwriaeth ar gyfer y grefft honno, fel y ceir yn y Safonau Galwedigaethol Cenedlaethol. Bydd dysgwyr yn treulio’r rhan fwyaf o’u hamser ar uned eu crefft ddewisol unigol.
Unedau crefft:
- Gosod Brics
- Gwaith Saer ar Safle
- Peintio ac addurno
- Plastro Solet
- Systemau electrodechnegol a gosod cyfarpar
- Gwaith Plymwr a gwresogi
Hefyd bydd dysgwyr yn cwblhau tair uned ‘graidd’ sy’n cwmpasu:
- Cyflogaeth
- Sgiliau cyflogadwyedd
- Arferion adeiladu cyffredinol.
Nod y cymhwyster yw datblygu sgiliau dysgwyr ymhellach cyn iddynt gychwyn prentisiaeth.
Ar gwblhau, bydd y cymhwyster yn darparu’r wybodaeth i ddysgwyr symud ymlaen i’r canlynol:
- Prentisiaeth lefel 3 mewn Crefftau Adeiladu - City & Guilds
- Prentisiaeth lefel 3 Peirianneg Gwasanaethau Adeiladu (Gwaith Plymwr neu Electrodechnegol) - EAL
- Cyflogaeth mewn maes yn gysylltiedig ag adeiladu
Mae’r cymhwyster yn darparu gwybodaeth ddigonol i ddysgwyr symud ymlaen i brentisiaeth o fewn y sector yn eu crefft ddewisol neu i gymwysterau llawn amser eraill yn gysylltiedig ag adeiladu a fydd yn darparu datblygiad pellach a dealltwriaeth o grefftau o fewn y diwydiant adeiladu.
I gyflawni’r cymhwyster hwn, rhaid i ddysgwyr gwblhau:
- un prawf aml-ddewis, wedi’i osod a’i farcio’n allanol.
- un prosiect ymarferol wedi’i osod yn allanol, wedi’i farcio’n fewnol yn cwmpasu maes eu crefft ddewisol
- un drafodaeth, wedi’i gosod yn allanol, wedi’i marcio’n fewnol
Mae’n addas ar gyfer dysgwyr sydd wedi cyflawni’r cymhwyster Sylfaen mewn Adeiladu a Pheirianneg Gwasanaethau Adeiladu ond sydd heb gyflogwr hyd yma er mwyn mynd ymlaen i brentisiaeth.
Bydd gofyn i fyfyrwyr ddod o hyd i, a phrynu, eu Cyfarpar Diogelu Personol (PPE) eu hunain sy’n cynnwys bŵts diogelwch, sbectol diogelwch, het galed a dillad llachar.
Mae’n ofynnol i bob dysgwr dalu ffi gweinyddu o £25 cyn cofrestru.
Bydd angen i chi ddarparu eich deunydd ysgrifennu eich hun a hefyd gallwch fynd i gostau os yw’r adran yn trefnu ymweliadau addysgol.