Gradd Sylfaen mewn Rheolaeth a Thechnoleg Adeiladu (Gradd Sylfaen)
- Campws Rhydaman
Mae Gradd Sylfaen mewn rheolaeth a thechnoleg adeiladu (FdSc) yn rhaglen israddedig dwy flynedd sy’n rhoi dealltwriaeth gynhwysfawr i fyfyrwyr o egwyddorion rheolaeth adeiladu a’r agweddau technolegol sy’n gysylltiedig â’r diwydiant adeiladu.
Mae’r diwydiant adeiladu yn ddiwydiant sy’n tyfu’n gyflym gyda llawer o lwybrau ar gyfer dilyniant gyrfaol sy’n cynnig byd o gyfleoedd.
Caiff y rhaglen 18 mis ran-amser hon ei dilysu a’i achredu gan Brifysgol Cymru: Y Drindod Dewi Sant a bwriedir iddi adeiladu ar wybodaeth a sgiliau a enillwyd o ganlyniad i astudiaeth flaenorol. Fe’i cynlluniwyd i ddarparu cymhwyster sy’n addas ar gyfer y bobl hynny sydd eisoes yn ymarfer, y rheiny sy’n bwriadu ymarfer fel uwch dechnegwyr a’r rheiny sydd am symud ymlaen i astudiaeth bellach.
Manylion y cwrs
- Rhan amser
Beth fyddwch chi'n ei ddysgu
-
Nodweddion y Rhaglen
-
Cynnwys y Rhaglen
-
Dilyniant a Chyflogaeth
-
Dull asesu
-
Gofynion Mynediad
-
Costau Ychwanegol
Prif nod y cwrs yw diwallu anghenion newidiol yr amgylchedd adeiledig trwy baratoi’r rheiny sy’n astudio ar y lefel hon i ennill gradd sylfaen gydnabyddedig sy’n cwrdd ag anghenion y diwydiant ar hyn o bryd ac yn y dyfodol. Mae’r cymhwyster hwn ar gyfer y rheiny sydd eisoes yn gweithio yn y diwydiant ac sy’n gallu dangos tystiolaeth o lefel briodol o gyfrifoldeb yn eu rôl.
Mae’r rhaglen fodiwlaidd yn cynnwys pum modiwl (cyfanswm o 120 o gredydau lefel pump). Dyfernir cymhwyster pan fydd yr holl fodiwlau wedi’u cwblhau’n llwyddiannus.
- Datblygu Cynaliadwy
- Ymchwil Beirniadol
- Dysgu Seiliedig ar Waith
- Technoleg Adeiladu
- Ymarfer Proffesiynol
Mae’r cwrs hwn yn darparu cyfle i’r rheiny sy’n dymuno symud ymlaen, neu ddechrau, mewn ystod o yrfaoedd sy’n gysylltiedig ag adeiladu megis technoleg bensaernïol, rheolaeth prosiectau, rheoli adeiladu, tirfesur, rheolaeth safle, cynnal a chadw a gwasanaethau. Mae yna gyfle i’r rheiny sy’n astudio ar y lefel hon i symud ymlaen i raglen astudio gradd anrhydedd yn amodol ar gwblhau’r modiwlau a chredydau gofynnol yn llwyddiannus.
Asesir y modiwlau trwy gyfuniad o aseiniadau ac arholiadau, ynghyd â dyddiadur profiad gwaith cymeradwy (ar gyfer y dyfarniad llawn).
HNC Rheolaeth a Thechnoleg Adeiladu (120 credyd L4) neu Dystysgrif Genedlaethol Uwch (HNC) sy’n gysylltiedig ag adeiladu neu gyfwerth gyda phroffil credyd priodol yn amodol ar gymeradwyaeth y brifysgol.
Mae’r brifysgol yn croesawu ceisiadau ar sail dysgu blaenorol. Gellir cael manylion pellach gan diwtor y cwrs.
Does dim ffi ychwanegol, fodd bynnag, mae’n debygol y byddwch yn mynd i gostau ychwanegol ar gyfer cyfarpar personol ac ar gyfer teithiau’n gysylltiedig â’r cwrs.