Cynnal ac Atgyweirio Cerbydau Lefel 1 (Cwrs Coleg)
- Campws Pibwrlwyd
Mae gweithio yn y diwydiant cerbydau modur yn gyfle cyffrous i ddefnyddio eich sgiliau datrys problemau a’ch sgiliau mecanyddol i helpu pobl fynd yn ôl ar y ffyrdd a bod yn ddiogel arnynt.
Mae mecanics cerbydau’n gyfrifol am ddiagnosio, atgyweirio, a chynnal a chadw cerbydau, gan sicrhau eu bod yn gweithio’n iawn.
Mae’r rhaglen ddysgu hon yn rhoi cyflwyniad i chi i fyd mecaneg cerbydau modur ac yn eich helpu i ennill cymhwyster galwedigaethol cysylltiedig cydnabyddedig mewn cynnal a chadw ac atgyweirio cerbydau modur ysgafn.
Ymgymerir â chyflwyno’r rhaglen mewn cyfleuster pwrpasol, sydd â gweithdai wedi’u cyfarparu â’r offer a’r cyfarpar diweddaraf a ddefnyddir yn helaeth yn y sector cynnal a chadw ac atgyweirio cerbydau modur.
Bydd y rhaglen yn rhoi profiad dysgu pleserus, ysgogol a heriol i chi, gyda phwyslais ar ddatblygu sgiliau ymarferol sydd eu hangen ar fecanic cerbydau modern. Mae’r rhaglen hefyd yn canolbwyntio ar wella hyder, cyflogadwyedd a rhagolygon entrepreneuriaeth dysgwyr.
Neilltuir tiwtor personol i chi a fydd yn eich cefnogi gyda’ch cynnydd ac yn darparu gofal bugeiliol i chi, trwy gydol y rhaglen.
Manylion y cwrs
- Llawn amser
Beth fyddwch chi'n ei ddysgu
-
Nodweddion y Rhaglen
-
Cynnwys y Rhaglen
-
Dilyniant a Chyflogaeth
-
Dull asesu
-
Gofynion Mynediad
-
Costau Ychwanegol
Cyflwynir y rhaglen gan dîm o ymarferwyr addysgu profiadol, sydd hefyd â chymwysterau galwedigaethol a phrofiad galwedigaethol.
Mae’r tîm yn cadw cysylltiadau cryf â’r sector cerbydau modur ac yn ymgymryd â datblygiad proffesiynol parhaus i sicrhau bod addysgu a dysgu’r rhaglen yn gyfredol ac yn berthnasol.
Hefyd, cewch y cyfle i fynd ar ymweliadau addysgol sy’n anelu at gyfoethogi eich astudiaethau, ysbrydoli dysgu a chodi dyheadau.
Mae’r unedau o fewn y rhaglen yn cynnwys y setiau pwnc gwybodaeth a sgiliau cerbydau modur canlynol:
- Iechyd, diogelwch a chadw trefn dda
- Technoleg cerbydau a dulliau a phrosesau’r gweithdy
- Rolau swyddi cefnogi
- Cynnal a chadw arferol
- Systemau injan
- Systemau trydanol
- Systemau siasi
- Unedau llinell yriant
Yn ogystal â’r unedau uchod, byddwch hefyd yn gweithio tuag at y cymwysterau canlynol:
- Sgiliau Hanfodol mewn Cymhwyso Rhif
- Sgiliau Hanfodol mewn Cyfathrebu
Os oes angen, cewch gyfle i ymgymryd â datblygu TGAU Saesneg iaith a mathemateg, fel rhan o’r cwrs.
Bydd cwblhau’r rhaglen yn llwyddiannus, gyda phresenoldeb da a’r graddau TGAU gofynnol yn caniatáu symud ymlaen i Ddiploma lefel dau mewn Cynnal a Chadw ac Atgyweirio Cerbydau Modur neu raglen brentisiaeth.
Asesir gwybodaeth bynciol a sgiliau trwy brofion amlddewis ar-lein a chyfuniad o asesiadau ymarferol a theori.
Mae’r cymhwyster hwn ar gael i’w asesu drwy gyfrwng y Saesneg yn unig.
Gofynnwn fod gennych gymwysterau TGAU ar radd E neu uwch mewn Saesneg neu Gymraeg iaith, a mathemateg ynghyd ag un TGAU arall (yn ddelfrydol gwyddoniaeth).
Bydd ymgeiswyr yn cael cynnig lle yn dilyn cyfweliad llwyddiannus ac asesiadau sgiliau sylfaenol i ganfod eu haddasrwydd ar gyfer y rhaglen.
Mae’n ofynnol i bob dysgwr dalu ffi gweinyddu o £25 cyn cofrestru.
Bydd angen i chi ddarparu eich deunydd ysgrifennu eich hun a hefyd gallwch fynd i gostau os yw’r adran yn trefnu ymweliadau addysgol.