Cwrs pobi cacennau (Cyrsiau Byr a Dysgu Oedolion)
- Campws Pibwrlwyd
Gallai’r cwrs pobi cacennau yng Ngholeg Sir Gâr fod yn fan cychwyn ardderchog ar gyfer pobyddion uchelgeisiol, cogyddion cartref ymroddedig a selogion bwyd i ddod draw a dathlu’r brwdfrydedd sydd ei angen er mwyn pobi’r cacennau a’r pwdinau gorau posibl.
Bydd y cwrs yn cynnig gwybodaeth arbenigol a chyngor gan ben-cogydd brwdfrydig ac ymrwymedig, technegau proffesiynol ac un neu ddwy gyfrinach o eiddo’r pen-cogydd ar hyd y ffordd. Bydd y cwrs yn dathlu’r ryseitiau gorau oll, technegau pobi modern a chlasurol a ddefnyddir mewn ceginau proffesiynol a phoptai heddiw.
Ar ddiwedd y cwrs coginio byddwch yn ennill tystysgrif Paratoi a Phobi Cacennau Agored Cymru.
Manylion y cwrs
- Rhan amser
Beth fyddwch chi'n ei ddysgu
-
Nodweddion y Rhaglen
-
Cynnwys y Rhaglen
-
Dilyniant a Chyflogaeth
-
Dull asesu
-
Gofynion Mynediad
-
Costau Ychwanegol
Cwrs coginio gyda’r nos yw hwn ar gyfer unrhyw un 16+ oed.
Darperir y rhan fwyaf o’r cynhwysion, ffedog pen-cogydd wedi’i brandio a’r defnydd o gyfarpar. Caiff amrywiol ddulliau coginio a sgiliau cegin eu cyflwyno ym mhob sesiwn.
Byddwch yn cael cyfleoedd i ddysgu gwneud cacennau a phwdinau gan ddefnyddio ystod eang o dechnegau, dulliau a chynhwysion.
Cyflwynir amrywiaeth o ryseitiau gwahanol ar hyd y cwrs a byddwch yn cael eich cyflwyno i gymhlethdodau cynhwysion cytbwys er mwyn cael y canlyniadau gorau wrth bobi.
Byddwch yn cael y cyfle i ddatblygu sgiliau wrth bobi amrywiaeth o gynhyrchion gan gynnwys
Bisgedi, cynhyrchion cacennau a sbwnjis - Sbwnjis Genoise, Gateaux, Teisen Frau, Teisen Madeira, Teisen Ffrwythau, Cacen Foron, Sbwnjis wedi’u Chwisgo i enwi ond ychydig.
Gallai’r cwrs pobi cacennau yng Ngholeg Sir Gâr fod yn fan cychwyn a bydd yn darparu sylfaen ragorol ar gyfer ysbrydoli pen-cogyddion y dyfodol, a’r cam nesaf fydd cofrestru ar gwrs arlwyo llawn amser neu ran-amser.
Bydd y cwrs yn agor y drws i gyfleoedd yn y dyfodol yn y coleg gyda chyrsiau eraill yn cael eu cynnig megis addurno cacennau, patisserie, pobi bara artisan, cyrsiau coginio Blas ar Gymru a chyrsiau coginio feganaidd a llysieuol penodol.
Gall darlithwyr ddarparu cyngor arbenigol i ddysgwyr ynghylch cymwysterau galwedigaethol a seiliedig ar waith ac opsiynau dilyniant.
Asesiad ymarferol gyda chymorth ryseitiau.
Bydd angen i fyfyrwyr ddarparu tystiolaeth o ddod o hyd i gynhwysion, dilyn ryseitiau, paratoi a phobi ystod o gacennau a phwdinau ar gyfer eu portffolio.
Bydd myfyrwyr yn ennill Tystysgrif Agored Cymru mewn Paratoi a Phobi Cacennau ar gwblhau.
Terfynau oedran 16+ oed.
Does dim gofynion academaidd.
Bydd rheolau iechyd a diogelwch a gyflwynir yn y sesiwn gyntaf yn berthnasol.
Cyfrifwyd costau ar gyfer y cwrs, a oedd yn cynnwys y rhan fwyaf o gynhwysion y cynnyrch a ffedog wedi’i brandio ar gyfer pob myfyriwr.
Band ffi G