Cwrs Coginio Feganaidd a Llysieuol (Cwrs Coleg)
- Campws Pibwrlwyd
Gallai’r cwrs coginio feganaidd a llysieuol yng Ngholeg Sir Gâr fod yn fan cychwyn ardderchog ar gyfer rhai â’u bryd ar fod yn ben-cogyddion, cogyddion cartref ymroddedig a rhai sy’n frwdfrydig ynghylch bwyd i ddod draw a mireinio eu sgiliau cegin ac ar yr un pryd canolbwyntio ar ryseitiau feganaidd a llysieuol yn unig.
Bydd y cwrs yn cynnig gwybodaeth arbenigol a chyngor gan ben-cogydd brwdfrydig ac ymrwymedig, technegau proffesiynol ac un neu ddwy gyfrinach o eiddo’r pen-cogydd ar hyd y ffordd. Bydd y cwrs yn dathlu’r cynnyrch tymhorol gorau oll sydd ar gael ar hyd a lled y byd, gan ddathlu goreuon y ddaear, tir a môr.
Mae hwn yn gyfle gwych i ennill gwybodaeth, profiad a hyder i weithio gyda dulliau sy’n gweddu i ofynion dietegol penodol. Byddwch yn gweithio gyda blasau ffres ac ansawdd bwyd i greu seigiau creadigol, arloesol.
Manylion y cwrs
- Rhan amser
Beth fyddwch chi'n ei ddysgu
-
Nodweddion y Rhaglen
-
Cynnwys y Rhaglen
-
Dilyniant a Chyflogaeth
-
Dull asesu
-
Gofynion Mynediad
-
Costau Ychwanegol
Cwrs coginio gyda’r nos yw hwn ar gyfer unrhyw un 16+ oed. Darperir y rhan fwyaf o’r cynhwysion, ffedog pen-cogydd wedi’i brandio a’r defnydd o gyllyll. Bydd amrywiol ddulliau coginio, sgiliau pobi a phatisserie yn cael eu cyflwyno ym mhob sesiwn. Bydd y bwyd y byddwch yn ei goginio yn eiddo i chi a gallwch fynd ag ef a’i fwynhau gartref.
Bydd pob sesiwn yn canolbwyntio ar agweddau allweddol ar gynnyrch tymhorol, tarddiad a ffyrdd cost effeithiol o fwydo’r teulu.
Byddwn yn canolbwyntio ar ofynion personol ac arweiniad cwrs i’ch helpu i fagu hyder yn y gegin a gwybodaeth ehangach am y byd coginio feganaidd a llysieuol.
Gallai’r cwrs coginio feganaidd a llysieuol yng Ngholeg Sir Gâr fod yn fan cychwyn a bydd yn darparu sylfaen ragorol ar gyfer ysbrydoli pen-cogyddion y dyfodol, a’r cam nesaf fydd cofrestru yng Ngholeg Sir Gâr ar gwrs arlwyo llawn amser neu ran-amser.
Bydd y cwrs yn agor y drws i gyfleoedd yn y dyfodol yn y coleg gyda chyrsiau eraill yn cael eu cynnig megis addurno cacennau, patisserie, bara artisan a chyrsiau feganaidd a llysieuol penodol.
Gall darlithwyr ddarparu cyngor arbenigol i ddysgwyr ynghylch cymwysterau galwedigaethol a seiliedig ar waith ac opsiynau dilyniant.
Arsylwi gwaith ymarferol, adborth ar seigiau a gynhyrchir yn ystod pob sesiwn.
Asesiad dan arweiniad Agored Cymru i ddigwydd yn ystod y cwrs.
Terfynau oedran 16+ oed. Does dim gofynion academaidd. Bydd rheolau iechyd a diogelwch a gyflwynir yn y sesiwn gyntaf yn berthnasol.
Cyfrifwyd costau ar gyfer y cwrs, sydd yn cynnwys y rhan fwyaf o gynhyrchion bwyd a ffedog wedi’i brandio. Band ffi G