Peirianneg Drydanol/Electronig Lefel 3 (Cwrs Coleg)
- Campws Y Graig
Mae Peirianneg yn faes deinamig ac amrywiol sy’n cynnig nifer o gyfleoedd gyrfa cyffrous.
Mae’r cwrs trydanol ac electronig hwn wedi’i gynllunio i roi i unigolion y sgiliau ymarferol, y wybodaeth a’r ddealltwriaeth sy’n ofynnol i fod yn llwyddiannus yn eu cyflogaeth bresennol a symud ymlaen i gyfleoedd cyflogaeth yn y dyfodol mewn ystod o alwedigaethau cysylltiedig, gan gynnwys: dylunio, peirianneg cynnal a chadw, rheoli ac offeryniaeth, gwerthiannau technegol, addysgu, rheoli proses a rheoli PLC.
Mae’r rhaglen yn dilyn Diploma Estynedig Technegol EAL mewn Technoleg Peirianneg Drydanol/Electronig gyda 149 credyd.
Manylion y cwrs
- Llawn amser
Beth fyddwch chi'n ei ddysgu
-
Nodweddion y Rhaglen
-
Cynnwys y Rhaglen
-
Dilyniant a Chyflogaeth
-
Dull asesu
-
Gofynion Mynediad
-
Costau Ychwanegol
- Mae’n darparu’r cyfle i arbenigo mewn disgyblaeth yrfaol benodol, neu i ddewis rhaglen integredig.
- Mae’n cadarnhau perthnasedd peirianneg i broblemau’r byd go iawn.
- Mae’n darparu craidd cyffredin o astudiaethau gydag unedau arbenigol perthynol sy’n arwain at gyflogaeth, dilyniant proffesiynol neu academaidd i addysg uwch.
- Mae’n datblygu’r ystod sgiliau, gwybodaeth, nodweddion personol ac agweddau sy’n hanfodol ar gyfer datblygiad gyrfaol a dilyniant o fewn y diwydiant peirianneg eang a sectorau cysylltiedig.
- Mae’n canolbwyntio ar gymhwyso gwybodaeth yn ymarferol a datblygu sgiliau’n ymwneud â gwaith sy’n ofynnol ar gyfer cyflogaeth o fewn y diwydiant peirianneg drydanol ac electronig.
Yr unedau blwyddyn un yw Peirianneg ac Iechyd a Diogelwch Amgylcheddol, Egwyddorion Trydanol ac Electronig, Mathemateg Peirianneg, Rheolyddion Rhesymeg Rhaglenadwy (PLCs) ac Electroneg Ddigidol.
Ym mlwyddyn dau, mae’r canlynol yn enghreifftiau o unedau a gwmpesir: Mathemateg Bellach, Egwyddorion Trydanol ac Electronig Pellach, Peirianneg Systemau Analog, Electroneg Analog, Pŵer Trydanol, Prosiect, Gwyddor Beirianegol Bellach, Offeryniaeth Beirianegol a Chyfathrebu Peirianegol.
Gall myfyrwyr sy’n cwblhau’r rhaglen yn llwyddiannus symud ymlaen i gyrsiau HND neu gyrsiau gradd mewn pynciau perthynol. Mae swyddi sy’n ymwneud yn uniongyrchol â pheirianneg drydanol ac electronig yn cynnwys ymchwil dylunio a datblygu, rheoli ac offeryniaeth, gwerthiannau technegol, addysgu, peirianneg cynnal a chadw, rheoli proses a rheoli Plc.
Asesir pob uned trwy arholiadau, profion, aseiniadau a gweithgareddau ymarferol.
Mae’r cymhwyster hwn ar gael i’w asesu drwy gyfrwng y Saesneg yn unig.
Pedwar TGAU graddau A* - C sy’n cynnwys mathemateg a Saesneg/Cymraeg iaith gyntaf.
Cyfweliad llwyddiannus yn dangos cymhelliant ac ymrwymiad i’r rhaglen yn cynnwys prawf tueddfryd ac asesiad cychwynnol.
Croesewir mynediad i fyfyrwyr hŷn sydd heb gymwysterau ffurfiol yn ôl disgresiwn y gyfadran.
Mae’r holl gyrsiau peirianneg llawn amser yn cynnwys mecanyddol, trydanol/electronig/ffabrigo a weldio a cherbydau modur, yn cael eu hariannu’n llawn.
Yn ogystal bydd gofyn i’r dysgwr ddarparu ei ddeunydd ysgrifennu ei hun a chyfarpar dosbarth sylfaenol sy’n briodol i’w gwrs (e.e. pennau a chyfrifiannell).
Mae’n ofynnol i bob dysgwr dalu ffi gweinyddu o £25 cyn cofrestru.