Lefel 2 Barbro (Cwrs Coleg)
- Campws Aberteifi
Mae barbro yn broffesiwn sy’n golygu torri, steilio, twtio a chynnal a chadw gwallt a blew’r wyneb i ddynion. Mae barbwyr yn darparu ystod o wasanaethau gan gynnwys torri gwallt, siafio, trimio barf a steilio gwallt.
Cynlluniwyd y cymhwyster lefel dau hwn ar gyfer y rheiny sydd ag uchelgais i gael gyrfa yn y diwydiant barbro.
Mae’n cwmpasu’r holl driniaethau barbro sylfaenol a bydd yn rhoi sail dda i chi allu symud ymlaen i gyrsiau pellach. Wrth ddysgu yn salon masnachol y coleg, byddwch yn datblygu’r sgiliau hanfodol sydd eu hangen ar gyfer eich llwybr gyrfa fel barbwr.
Yn ystod y cwrs byddwch yn datblygu arbenigedd ymarferol a gwybodaeth hanfodol am y diwydiant.
Mae’r cwrs hwn yn rhoi’r cyfleoedd ymarferol i chi sy’n caniatáu i chi gwblhau eich aseiniadau a rhoi eich sgiliau ar waith mewn amgylchedd salon barbro go iawn.
Drwy gydol y cwrs hwn, byddwch yn cael eich asesu trwy brofion sgiliau ymarferol ac aseiniadau ysgrifenedig a fydd yn rhedeg ochr yn ochr â’r modiwlau rydych yn eu hastudio.
Manylion y cwrs
- Rhan amser
- Cymysg
Beth fyddwch chi'n ei ddysgu
-
Nodweddion y Rhaglen
-
Cynnwys y Rhaglen
-
Dilyniant a Chyflogaeth
-
Dull asesu
-
Gofynion Mynediad
-
Costau Ychwanegol
Mae’r coleg yn rhedeg salon hyfforddi masnachol sy’n agored i’r cyhoedd ac sy’n darparu amgylchedd gwaith go iawn i chi, gan ganiatáu i chi gael ymdeimlad o sut y bydd yn teimlo i weithio yn y diwydiant.
Mae yna bwyslais hefyd ar eich cynorthwyo i ddod yn ddysgwr annibynnol trwy gynllunio, gosod targedau a datblygiad unigol.
Byddwch yn rhan o raglen ffyniannus o weithgareddau gan gynnwys teithiau a digwyddiadau ynghyd â chymryd rhan mewn cystadlaethau cenedlaethol sy’n gallu arwain at waith cystadleuaeth rhyngwladol.
Cwrs rhan-amser yw hwn fydd yn cynnwys gweithio un noson yr wythnos yn salon y coleg.
Mae’r cwrs hwn yn cynnwys unedau gorfodol a gyflwynir dros flwyddyn yn rhan-amser:
- Ymgynghoriad cleient ar gyfer gwasanaethau gwallt
- Torri gwallt dynion
- Torri blew’r wyneb
- Dilyn arferion iechyd a Diogelwch yn y salon
Mae’r cwrs hwn yn canolbwyntio ar ddarparu’r sgiliau a’r wybodaeth sydd eu hangen arnoch er mwyn symud ymlaen i gwrs lefel uwch, prentisiaeth ond yn y pen draw i waith fel barbwr iau.
Mae ymgymryd â’r hyfforddiant cywir ar gychwyn eich gyrfa yn fuddsoddiad hirdymor gwych o ran eich rhagolygon gyrfa.
Bydd cyfleoedd gyrfaol yn eich galluogi i symud ymlaen naill ai i’r cwrs diploma lefel tri neu i mewn i salonau masnachol, siopau barbwr neu hunangyflogaeth.
Fel rhan o’r rhaglen hon bydd y dulliau asesu canlynol yn cael eu defnyddio:
- Arholiad ymarferol
- Asesiadau parhaus
- Portffolio o dystiolaeth
- Aseiniadau ysgrifenedig ac Arholiadau
Bydd addasrwydd ar gyfer y cwrs hwn yn cael ei asesu mewn cyfweliad, fodd bynnag, mae angen agwedd gadarnhaol at ddysgu sgil galwedigaethol.
Rydym yn argymell o leiaf pedwar TGAU graddau A* i D gyda dwy radd C, un naill ai mewn Saesneg/Cymraeg (iaith gyntaf) neu fathemateg. Neu rydym yn derbyn cwblhau cymhwyster galwedigaethol lefel un yn llwyddiannus mewn pwnc perthnasol. Byddwn hefyd yn ystyried cymwysterau a phrofiad blaenorol.
Ffi’r cwrs rhan-amser hwn ar hyn o bryd yw £275.
Cewch fynediad i ystod o gyfarpar ac adnoddau yn y coleg ond ar ben hynny, bydd angen prynu cit ac iwnifform. Rhoddir y wybodaeth hon cyn eich dyddiad cychwyn a gellir rhoi cyngor yn y cyfweliad.
Trefnir amrywiol deithiau trwy gydol y flwyddyn academaidd sy’n ymwneud â’r diwydiant gwallt, y bydd gofyn i chi dalu cyfraniad tuag atynt.