Mae’r Brentisiaeth Lefel 3 mewn Rheoli Ynni wedi’i chynllunio i roi’r arbenigedd i chi sydd ei angen i yrru effeithlonrwydd ynni a chynaladwyedd yn eich gweithle.
Gyda Chymru yn sefydlu ei hun fel arweinydd mewn rheoli ynni dros y 5–7 mlynedd nesaf, mae’r cymhwyster hwn yn cefnogi busnesau o ran lleihau costau, bodloni targedau lleihau carbon, ac ymgorffori arferion cynaliadwy.
Buddion Allweddol i Gyflogwyr
- Lleihau Costau ac Effeithlonrwydd – Bydd prentisiaid yn nodi cyfleoedd i leihau costau ynni a gwella effeithlonrwydd gweithredol.
- Cydymffurfiad Rheoleiddiol – Sicrhau bod eich busnes yn bodloni gofynion amgylcheddol a chyfreithiol (e.e, ISO, y Ddraig Werdd, Safon Ansawdd Tai Cymru (WHQS), mentrau cynaladwyedd Llywodraeth Cymru).
- Cynaladwyedd a Chyfrifoldeb Cymdeithasol Corfforaethol (CSR) – Cryfhewch ymrwymiad eich sefydliad i gyrchnodau Sero Net a lleihau carbon.
- Datblygu’r Gweithlu – Adeiladwch arbenigedd yn fewnol a pharatowch alluoedd rheoli ynni eich sefydliad ar gyfer y dyfodol.
- Mantais Gystadleuol Well – Caiff sefydliadau sydd â chymwysterau rheoli ynni cryf eu ffafrio fwyfwy o ran penderfyniadau caffael a’r gadwyn gyflenwi.
Ar hyn o bryd rydyn ni ond yn cymryd datganiadau o ddiddordeb ar gyfer y cwrs newydd hwn. Camau nesaf:
- Enwebwch weithiwr cyflogedig presennol i ymgymryd â’r brentisiaeth hon neu mynnwch sgwrs gyda’ch cyflogwr ynghylch y cyfle.
- Cwblhewch ein ffurflen ymholiadau i fynegi diddordeb.
- Trafodwch fanylion pellach gydag un o’n tîm ymgysylltu â chyflogwyr
Manylion y cwrs
- Rhan amser
- Cymysg
Beth fyddwch chi'n ei ddysgu
-
Nodweddion y Rhaglen
-
Pwy ddylai gofrestru?
-
Cynnwys y Rhaglen
-
Dull asesu
-
Costau Ychwanegol
-
Gofynion Mynediad
Mae’r brentisiaeth hon yn cynnwys tair elfen hanfodol:
- Diploma Lefel 3 Agored Cymru mewn Rheoli Ynni a Charbon
Mae’n cwmpasu pynciau allweddol megis effeithlonrwydd ynni, lleihau carbon, cydymffurfiad, a strategaethau cynaladwyedd.
- Cymwysterau Sgiliau Hanfodol
Lefel 2 mewn Rhifedd, Cyfathrebu, a Llythrennedd Digidol (oni bai y delir cymwysterau blaenorol fel TGAU neu gymwysterau cyfwerth).
- Gwaith Prosiect yn y Gweithle
Byddwch yn cymhwyso eich dysgu i heriau sefydliadol bywyd go iawn, gan gyfrannu at arbedion ynni gwirioneddol a gwelliannau cynaladwyedd ar gyfer eich gweithle.
Byddai gweithwyr cyflogedig yn y rolau canlynol yn elwa’n benodol:
- Rheolwyr Ynni Iau
- Dadansoddwyr Ynni
- Rheolwyr Cyfleusterau
- Timau Cyllid (sy’n ymwneud â chyllidebau ynni)
- Peirianwyr Cylchred Oes/Cynnal a Chadw
- Rheolwyr Ynni Newydd
- Arbenigwyr Ynni sy’n Uwchsgilio
- Hybwyr Ynni/Sero Net/Carbon
- Goruchwylwyr Ynni Adeiladau
Mae unedau’r cwrs yn cynnwys:
Egwyddorion Rheoli Ynni a Charbon
- Deall deddfwriaeth a rheoliadau diwydiant
- Deall economeg defnyddio ynni, ei gyflenwi a’r galw amdano a materion cynaladwyedd
- Deall sut mae rheoli dŵr a gwastraff yn gysylltiedig â rheoli ynni
Dadansoddi Defnyddio Ynni ac Allyriadau Carbon
- Deall egwyddorion asesu colli ynni
- Gallu rhoi cynlluniau metru a mesur ar waith
- Gallu ymgymryd â dadansoddiadau ac archwiliadau
- Gallu gwneud argymhellion yn seiliedig ar ganlyniadau’r dadansoddiad data
Newid Ymddygiadol o fewn y Gweithle
- Gallu cyfathrebu newidiadau ymddygiadol gofynnol yn ymwneud â defnyddio ynni ac ymwybyddiaeth o allyriadau carbon
- Gallu cyfrannu at ymwybyddiaeth o arbed ynni a monitro effeithiolrwydd ymgyrchoedd
Iechyd a Diogelwch mewn Rheoli Ynni
- Adnabod y deddfau a’r canllawiau sefydliadol yn ymwneud ag iechyd a diogelwch o ran rheoli carbon ac ynni.
- Gallu gweithredu dan system waith ddiogel o ran rheoli carbon ac ynni
Caffael ynni
- Deall tariffau ynni, biliau a’r broses o gaffael ynni
- Gallu cyfrannu at strategaeth gaffael sefydliad ar gyfer cynnyrch a gwasanaethau ynni.
Rheoli Prosiectau Ynni a Charbon
- Gallu cynllunio prosiectau rheoli ynni a charbon.
- Gallu addasu ac ymateb yn effeithiol i newid annisgwyl a delio gyda risgiau wrth gefn.
- Gallu gwerthuso canlyniadau’r prosiect rheoli ynni ac adrodd amdano.
Rheoli Carbon Trafnidiaeth
- Adnabod mentrau/polisïau perthnasol sy’n gysylltiedig â thrafnidiaeth, cynllunio ar gyfer teithio a systemau gweithredol logisteg o fewn cyd-destun rheoli ynni yn y gweithle.
- Gallu casglu data’n ymwneud â defnyddio ynni sy’n gysylltiedig â thrafnidaeth a logisteg
Rheoli Gwastraff
- Adnabod gwahanol fathau o wastraff a gynhyrchir gan sefydliad a sut y caiff hwn ei fonitro.
- Deall deddfwriaeth a mentrau cenedlaethol yn ymwneud â rheoli gwastraff mewn sefydliad.
- Deall sut y gellir defnyddio gwastraff fel adnodd
Ymgysylltu â’r Gymuned
- Deall pwysigrwydd sefydliad yn cysylltu â’r gymuned leol wrth reoli ynni a charbon.
- Gallu cyfathrebu rheoli ynni a mesurau carbon gyda’r gymuned leol.
Mae dulliau asesu’n cynnwys portffolio gwaith cwrs, cwestiynu ysgrifenedig a llafar, arsylwadau seiliedig ar waith a thystiolaeth ymarferol. Nid oes unrhyw arholiadau traddodiadol; mae pob asesiad wedi’i gynllunio i adlewyrchu senarios y byd go iawn.
Caiff prentisiaethau yng Nghymru eu hariannu’n llawn, os ydych yn ddysgwr cymwys. Gall costau ychwanegol gynnwys gwerslyfrau a deunyddiau dysgu opsiynol. Rhaid bod prentisiaid yn gyflogedig ac yn cael eu cefnogi’n llawn gan eu cyflogwyr ar hyd y rhaglen. Mae ffioedd aelodaeth broffesiynol yn berthnasol ac yn cael eu talu’n flynyddol gan y prentis.
Rhaid i ymgeiswyr fod yn 16 oed neu’n hŷn ac yn gyflogedig.
Mae gofynion mynediad yn hyblyg, gyda chyfweliadau cychwynnol a sgriniwr sgiliau sylfaenol i bennu’r lefel briodol.
Bydd angen Cymwysterau Sgiliau Hanfodol mewn Cymhwyso Rhif, Cyfathrebu a Llythrennedd Digidol os nad ydynt wedi’u hennill yn flaenorol.
Mae gweithwyr cyflogedig newydd a rhai presennol hefyd yn gymwys.