IEMA Mesur ac Adrodd ar Ôl Troed Carbon

Mae cwrs Mesur ac Adrodd ar Ôl Troed Carbon IEMA yn cynnig arweiniad ymarferol, cam wrth gam ar arferion meintioli carbon, gan ganolbwyntio ar sut i osod ôl troed carbon sefydliadol fel y sylfaen ar gyfer creu llwybrau Sero Net effeithiol. Mae’r cwrs hwn wedi’i gynllunio i roi’r offer sydd eu hangen arnoch i fesur, adrodd, a lleihau allyriadau, gan osod y llwyfan ar gyfer gweithredu ar hinsawdd mewn modd cynhwysfawr.

Mae deilliannau dysgu yn cynnwys:

• Cyflwyniad i Fesur Ôl Troed Carbon:  Deall cysyniadau allweddol a chefndir mesur ôl troed carbon a pham ei fod yn hanfodol i sefydliadau sy’n anelu at Sero Net.
• Sbardunau ar gyfer Meintioli Carbon:  Dysgu am yr amrywiol sbardunau mewnol ac allanol sy’n gwthio sefydliadau i olrhain ac adrodd ar eu hallyriadau, o ofynion rheoliadol i alw defnyddwyr.
• Safonau a Chynlluniau Meintioli Carbon:  Cael mewnwelediad i’r safonau allweddol a chynlluniau a ddefnyddir mewn meintioli carbon, gan gynnwys fframweithiau byd-eang sy’n llywio arferion gorau wrth fesur allyriadau.
• Egwyddorion a Thechnegau Meintioli Carbon: Meistroli’r egwyddorion a’r dulliau craidd a ddefnyddir ar gyfer cyfrifo olion traed carbon, gan sicrhau bod eich dull yn cyd-fynd â safonau’r diwydiant.
• Cyfleu Data am Garbon:  Dysgu sut i gyfleu data am garbon yn effeithiol i fudd-ddeiliaid, gan gyflwyno eich canfyddiadau mewn adroddiadau clir y gellir gweithredu arnynt sy’n gyrru’r broses o wneud penderfyniadau.
• Lleihau Allyriadau a Llwybrau at Sero Net: Archwilio strategaethau y gellir gweithredu arnynt ar gyfer lleihau allyriadau, a sut mae mesur ôl troed carbon yn gweithredu fel y glasbrint ar gyfer gosod a chyflawni cyrchnodau Sero Net.
• Mae’r cwrs hwn hefyd yn ymdrin â mathau eraill o feintioli, megis mesur ôl troed cynnyrch, ac yn dangos sut mae’r asesiadau hyn yn helpu sefydliadau i gynllunio ar gyfer lleihau allyriadau a sefydlu llwybrau Sero Net.

Er nad yw’r cwrs hwn yn ymchwilio’n ddwfn i gefndir newid hinsawdd neu’n darparu arweiniad cynhwysfawr ar leihau allyriadau, mae’n eich paratoi i gymryd camau gwybodus tuag at gynaladwyedd. Gallwch hefyd ddilyn y cwrs hwn ar y cyd â chwrs Llwybrau i Sero Net IEMA i wella eich arbenigedd o ran mesur ac adrodd ar ôl troed carbon.