Cefnogaeth ar gyfer addysgu uwch
SUT YDW I’N CAEL MYNEDIAD I GYMORTH?
Mae cymorth ar gael drwy’r Lwfans i Fyfyrwyr Anabl (DSA). Cynllun a ariennir gan y llywodraeth, nad oes
angen prawf modd ar ei gyfer yw hwn a all dalu am gymorth y gallai fod ei angen arnoch yn ystod eich
astudiaethau. Efallai y byddwch yn gymwys i wneud cais am DSA os oes gennych angen dysgu ychwanegol (fel Anhawster Dysgu Penodol), anabledd neu gyflwr meddygol.
Bydd angen i chi ddarparu tystiolaeth fel adroddiad Asesiad Diagnostig gan seicolegydd neu aseswr cymwysedig, neu lythyr gan weithiwr proffesiynol meddygol. Rhaid i ymgeiswyr fodloni’r diffiniad o ‘anabledd’ fel y nodir yn Neddf Cydraddoldeb 2010.
Bydd angen i’n tîm eich cynorthwyo gyda’ch cais felly cysylltwch â Chydlynydd Cymorth Dysgu eich
campws. Mae gwybodaeth bellach ar gael drwy www.cyllidmyfyrwyrcymru.co.uk
PA GYMORTH SYDD AR GAEL?
Os ydych yn gymwys, gall cymorth gynnwys:
- Addysgu arbenigol un-i-un
- Mynediad i Gynorthwyydd Astudio
- Dehonglydd Iaith Arwyddion Prydain
- Cyfarpar arbenigol
- Technoleg gynorthwyol gan gynnwys meddalwedd
- Addasiadau arholiad fel amser ychwanegol
