Cynnig Darpariaeth Ddysgu Gyffredinol ac Ychwanegol

Wrth ystyried ceisiadau dysgwyr gan bobl ifanc (16 i 25) ag anghenion dysgu ychwanegol, yn gyntaf mae angen i ni ddeall diben addysg bellach a hyfforddiant. Gall hyn gynnwys:

• Paratoi’r dysgwr ar gyfer gwaith.
• Galluogi’r dysgwr i gael mynediad i addysg bellach neu uwch.
• Paratoi’r dysgwr ar gyfer bywyd annibynnol fel oedolyn i’r graddau sy’n rhesymol.

Defnyddir y meini prawf canlynol i benderfynu a yw coleg yn llwybr addysgol addas:

• A yw’r coleg yn gallu darparu’r cwricwlwm, cymorth, cyfarpar ac amgylchedd fydd yn galluogi’r person ifanc (PI) i gyrraedd ei botensial?
• A oes angen mynediad ar y PI i therapïau a gwasanaethau y bernir eu bod yn angenrheidiol iddo er mwyn gwneud cynnydd rhesymol tuag at ei gyrchnodau addysg a hyfforddiant?
• A yw’r coleg yn gallu bodloni anghenion y PI heb effeithio’n negyddol ar ei les neu les dysgwyr eraill neu staff?

Nid yw’r Cod yn rhoi’r hawl i unigolyn ifanc gael addysg neu hyfforddiant parhaus rhwng 16 a 25 oed. Mae gan bob unigolyn ifanc yr hawl i ddwy flynedd o addysg bellach a hyfforddiant, fel y nodir yn y Cod (17.65) a’r Ddeddf Addysg, 1996. Mae’r Cod yn nodi ‘mewn rhai achosion efallai y bydd gan unigolyn ifanc anghenion rhesymol i ymgymryd ag addysg bellach neu hyfforddiant am fwy na dwy flynedd’ (17.69). Felly, nid oes hawl i addysg neu hyfforddiant parhaus hyd at 25 oed oni bai bod diben diffiniedig i’r addysg neu’r hyfforddiant, fel y nodir uchod.

Yng Ngholeg Sir Gâr a Choleg Ceredigion, mae ein dull cynhwysol tuag at addysgu a dysgu yn golygu ein bod yn gallu bodloni anghenion y mwyafrif o ddysgwyr ac rydyn ni’n cymryd pob cam rhesymol (gan roi sylw priodol i’r Ddeddf Cydraddoldeb, 2010) i sicrhau ein bod yn darparu addysgu o ansawdd uchel a chymorth priodol, yn seiliedig ar asesiad person-ganolog o anghenion pob dysgwr.

Mae cwrs coleg, i lawer o’n dysgwyr, yn cynnig cyfle addysg a hyfforddiant pwysig cyn cyflogaeth a/neu fywyd oedolyn. Credwn ni ei fod yn hanfodol i annog pobl ifanc i ddod mor annibynnol â phosibl, yn eu dysgu a hefyd yn eu sgiliau ar gyfer bywyd. Mae ein dull, er yn gefnogol, wedi’i gynllunio i annog annibyniaeth ac i ddarparu sgiliau a strategaethau i ddysgwyr y gallant eu defnyddio yn y coleg, mewn cyflogaeth ac mewn bywyd fel oedolyn.

Mae Coleg Sir Gâr a Choleg Ceredigion yn darparu addysg a hyfforddiant i bobl ifanc ac oedolion o bob oed. Mae pob campws yn amgylchedd cyhoeddus ac agored sy’n gweddu orau i anghenion pobl ifanc sy’n gallu hunanreoli eu hymddygiad a’u lles o fewn y math hwn o leoliad. Er ein bod yn anelu at gefnogi anghenion addysg a hyfforddiant ein holl ddysgwyr, nid ydym yn gallu cynnig therapïau neu wasanaethau tra arbenigol megis:

• Therapi iaith a lleferydd
• Therapi ymddygiad
• Ffisiotherapi
• Therapi galwedigaethol
• Therapïau siarad arbenigol
• Hydrotherapi
• Therapi adlam

Fodd bynnag, rydyn ni’n hapus i weithio gyda darparwyr eraill, megis gwasanaethau iechyd a chymdeithasol, lle mae hyn yn hyrwyddo lles a/ neu gynnydd ar gyfer dysgwr.

Mae’r coleg yn cynnig ystod eang o wasanaethau cymorth i’r holl ddysgwyr. Mae hyn yn debygol o fodloni anghenion mwyafrif helaeth ein dysgwyr ac mae’n cynnwys y canlynol:

Gall fod angen darpariaeth ddysgu ychwanegol ar ddysgwyr yng Ngholeg Sir Gâr a Choleg Ceredigion, nad yw eu hanghenion yn cael eu bodloni gan y ddarpariaeth ddysgu gyffredinol sydd ar gael. Gellir cynnig y canlynol i’r rheiny sydd â thystiolaeth ategol gymwys o angen dysgu ychwanegol.

Mae gennym amrywiaeth o gyrsiau ar gyfer dysgwyr sy’n gadael yr ysgol (ôl-16 neu ôl-19) sy’n dymuno symud ymlaen i fwy o annibyniaeth, byw â chymorth, ac amrywiaeth o gyd-destunau sy’n gysylltiedig â gwaith. 

Dull person-ganolog tuag at gyflwyno sy’n sail i’r cwricwlwm. Mae’r dull hwn o ddysgu yn cydnabod bod addysgu a dysgu ar ei fwyaf effeithiol pan fyddant yn seiliedig ar angen, diddordeb a dyheadau’r dysgwyr eu hunain.

Mae pob un o’r rhaglenni’n seiliedig ar graidd sy’n cynnwys pedwar piler dysgu, gyda thargedau unigol ac asesiadau RARPA: 

• Iechyd a Lles 
• Cyflogadwyedd 
• Byw’n Annibynnol 
• Cynhwysiant Cymunedol

COLEG CEREDIGION - CAMPWS ABERYSTWYTH

COLEG SIR GÂR - CAMPWS RHYDAMAN

Cyfeiriwch at yr adran gwybodaeth am gyrsiau ar wefan y coleg i gael y wybodaeth ddiweddaraf am gyrsiau a rhagor o fanylion am y broses ymgeisio.

Ar gyfer pobl ifanc sy’n gweld teithio ar gludiant arferol yn heriol ac sy’n bodloni meini prawf cymhwysedd ar gyfer gwneud cais am gludiant ychwanegol, e.e. darpariaeth tacsi. Cyfeiriwch at Bolisi Cludiant y coleg.

Lle mae anghenion addysg a hyfforddiant dysgwr yn gofyn am gyfleusterau dysgu, therapiwtig a hyfforddiant dwysedd uchel, arbenigol lle darperir addysgu a chymorth gan staff sydd wedi’u hyfforddi’n arbennig. Yn yr achosion hyn, ni fydd y coleg yn gallu bodloni anghenion addysg neu hyfforddiant y dysgwr.