Diploma Lefel 5 mewn Cydlynu Ôl-Ffitio a Rheoli Risg
- Campws y Gelli Aur
- Ar-Lein
Dewch yn Gydlynydd Ôl-ffitio – Ewch ati i arwain Dyfodol Tai Cynaliadwy.
Mae Cydlynwyr Ôl-ffitio wrth wraidd cenhadaeth y DU i ddatgarboneiddio cartrefi, gan sicrhau bod gwelliannau effeithlonrwydd ynni yn cael eu cyflawni’n ddiogel, yn effeithiol, ac yn unol â PAS 2035.
Fel ffigur allweddol mewn prosiectau ôl-ffitio domestig, byddwch yn goruchwylio holl broses PAS 2035, gan ddiogelu perchnogion tai a chleientiaid trwy reoli caffael, manylebau, a chyflwyno mesurau ôl-ffitio.
Sicrhewch gydymffurfiad PAS 2035 ym mhob prosiect, amddiffynwch berchnogion tai gyda goruchwyliaeth prosiect arbenigol, gyrrwch y newid i ddyfodol carbon isel a datblygwch eich gyrfa trwy gael effaith wirioneddol yn y sector ôl-ffitio.
Manylion y cwrs
- Wyneb i Wyneb
Disgrifiad o'r Rhaglen
I fod yn gymwys, rhaid i chi fyw’n gyfreithlon yng Nghymru a bod yn 19 oed neu’n hŷn.
Yn ogystal, rhaid i chi fod:
● yn gyflogedig (gan gynnwys contractau Asiantaeth a Dim oriau) neu
● yn hunangyflogedig neu
● yn ofalwyr llawn amser (gan gynnwys di-dâl)
Does dim cap cyflogau o ran cyllid ar gyfer y cwrs hwn.
Mae’r cwrs hwn yn rhoi’r sgiliau a’r wybodaeth i chi gwblhau prosiectau mawr yn llwyddiannus, gan ddod â’r holl rolau allweddol sy’n ymwneud ag ôl-ffitio tŷ cyfan o dan eich cyfarwyddyd. Ar ôl i chi ei gwblhau, byddwch yn cael eich ystyried yn un o’r uwch weithwyr proffesiynol ar y safle gwaith.
Y rheiny sy’n ymwneud â’r sector adeiladu domestig, yn enwedig y rheiny sydd eisoes yn gweithio mewn prosiectau datgarboneiddio/effeithlonrwydd ynni neu’n ystyried gweithio arnynt
Ar ôl cwblhau’r cwrs hwn yn llwyddiannus, gallai dysgwyr symud ymlaen i gyrsiau eraill yr Academi Sgiliau Gwyrdd megis:
Tystysgrif Lefel 3 mewn Asesu Ynni Domestig
Cyllid CDP
Mae’r Cyfrif Dysgu Personol (CDP) yn rhaglen gan Lywodraeth Cymru sy’n caniatáu i unigolion cymwys gael mynediad i gyrsiau wedi’u hariannu’n llawn a chymwysterau proffesiynol.
Cyllid ReAct+
Os ydych wedi bod yn ddi-waith neu wedi eich diswyddo yn ystod y 12 mis diwethaf, gallai ReAct+ ddarparu’r cymorth sydd ei angen arnoch i ddychwelyd i’r gwaith yn gyflym. Gyda chyllid ar gyfer hyfforddiant sgiliau, datblygiad personol, a chymorth gyda chostau fel gofal plant a theithio, mae ReAct+ yn cynnig amrywiaeth o adnoddau i’ch helpu i oresgyn rhwystrau a dod o hyd i gyfleoedd newydd.