Astudio Amaethyddiaeth yng Ngholeg Sir Gâr

Mae amaethyddiaeth wedi llunio’r ffordd y mae bodau dynol yn gweithredu fel cymdeithas ac yn parhau i ysgogi arloesedd ac effeithio ar y ffordd yr ydym yn byw heddiw.  Os ydych am ddarganfod mwy am y diwydiant amlochrog hwn a gwneud eich marc ar y byd, yna ymunwch â Chwrs Amaethyddiaeth yng Ngholeg Sir Gâr. 

Mae ein cyrsiau wedi’u cynllunio i roi sylw cynhwysfawr i chi o bynciau hanfodol, gan gynnwys rheoli anifeiliaid (gwartheg, defaid a moch), rheoli glaswelltir, gwyddorau planhigion a phridd, gwyddor anifeiliaid, cynhyrchu cnydau, cynaladwyedd amgylcheddol a pheirianneg amaethyddol.  P’un a oes gennych ddiddordeb yng nghymlethdodau hwsmonaeth anifeiliaid neu’r wyddoniaeth y tu ôl i dyfu cnydau, mae ein cwricwlwm yn cynnig amrywiaeth gyfoethog o wybodaeth a sgiliau ymarferol i’ch paratoi ar gyfer llwyddiant yn y diwydiant amaethyddol.

Cynhelir cyrsiau amaethyddiaeth yng Ngholeg Sir Gâr ar ein fferm weithredol 211 hectar, sy’n amgylchedd delfrydol i ffermwyr uchelgeisiol, peirianwyr amaethyddol ac amgylcheddwyr i ffynnu.   Byddwch chi’n gallu cael eich dwylo’n frwnt ac ategu’r theori rydych chi’n ei ddysgu gan ei gymhwyso yn y byd go iawn.  Byddwch hefyd yn cael mewnwelediadau amhrisiadwy gan ein cyfadran brofiadol, yn cydweithio ar brosiectau ymchwil arloesol, ac yn meithrin cysylltiadau gydol oes o fewn y gymuned amaethyddol. 

Felly p’un a ydych newydd ddechrau ar eich taith amaethyddol, neu mae ffermio yn eich gwaed, ymunwch â ni ar Fferm y Gelli Aur am ddiwrnod agored, cwblhewch gais a gadewch i ni dyfu gyda’n gilydd.