Astudio Sgiliau Byw'n Annibynnol yng Ngholeg Sir Gâr a Choleg Ceredigion

Hoffech chi ddysgu sgiliau pwysig a fydd yn eich helpu i deimlo’n fwy hyderus, byw ar eich pen eich hun neu gael swydd?  Yna beth am ddod i ymuno â ni ar gwrs Sgiliau Byw’n Annibynnol yng Ngholeg Sir Gâr a Choleg Ceredigion?  

Yma, byddwn yn dysgu pethau ymarferol i chi fel coginio prydau iach o’r newydd neu sut i baratoi ar gyfer cyfweliad swydd.  Byddwch yn dysgu sut i ofalu amdanoch chi’ch hun, sut i gadw’n heini ac yn iach a sut i wneud penderfyniadau.  Pan fyddwch chi’n dod i’r coleg byddwch chi hefyd yn dysgu sut i deimlo’n hapusach mewn pob math o sefyllfaoedd cymdeithasol, o’r gwaith a’r ysgol i dreulio amser gyda ffrindiau. 

Byddwch yn dysgu drwy weithgareddau hwyliog ac yn cael y cymorth sydd ei angen arnoch ar hyd y ffordd.  Ein nod yw eich helpu i deimlo’n hyderus ac yn annibynnol wrth i chi dyfu i fyny.  P’un a ydych chi’n mynd i’r coleg, yn dechrau swydd, neu’n ystyried eich opsiynau, byddwn ni’n rhoi’r offer i chi lwyddo.

A’r rhan orau?  Bydd y sgiliau hyn yn aros gyda chi am oes, gan wneud popeth yn haws.  Felly, os ydych chi’n barod i fod yn gyfrifol am eich bywyd a chael ychydig o hwyl ar hyd y ffordd, ymunwch â ni i astudio Sgiliau Byw’n Annibynnol.  Gadewch i ni ddechrau ar eich taith i annibyniaeth!