Astudio Modurol yng Ngholeg Sir Gâr a Choleg Ceredigion

Os oes gennych chi frwdfrydedd am geir, yn mwynhau gweithio gyda’ch dwylo ac wrth eich bodd yn deall sut mae pethau’n gweithio, yna gallai astudio cwrs Modurol yng Ngholeg Sir Gâr a Choleg Ceredigion eich arwain at yrfa werth chweil yn llawn cyfleoedd.

Mae’r diwydiant modurol yn datblygu’n gyson, ac mae galw mawr am fecanyddion medrus bob amser.  Ar ein cyrsiau byddwch yn dysgu sgiliau ymarferol sy’n hanfodol ar gyfer atgyweirio, cynnal a chadw a diagnosio problemau modurol. Yn ein gweithdai pwrpasol o safon ddiwydiannol, bydd gennych fynediad i amrywiaeth o adnoddau hyfforddi sy’n bodloni anghenion y sector, gan gynnwys rigiau hyfforddi technoleg Hybrid a Thrydanol a chanolfan achredu profion MOT.

Mae gan ein staff addysgu gymwysterau uchel gydag arbenigedd yn y maes ac maen nhw wedi’u hyfforddi mewn technolegau sy’n dod i’r amlwg, gan sicrhau y byddwch yn ennill y profiad ymarferol sydd ei angen i’ch paratoi ar gyfer amrywiaeth o rolau.  Gall cymhwyster mewn mecaneg cerbydau modur agor drysau i wahanol lwybrau gyrfa, megis dod yn dechnegydd modurol, rheolwr gwasanaeth, neu hyd yn oed beiriannydd modurol gydag astudiaeth bellach.

Felly, os oes gennych yr ysfa am ddyfodol yn y diwydiant modurol, ymunwch â ni am ddiwrnod agored, cwblhewch ffurflen gais a dechreuwch ar y ffordd i ddyfodol boddhaus.