Astudio Dechrau Newydd a Sylfaen yng Ngholeg Sir Gâr a Choleg Ceredigion.

Mae gan bawb lwybr gwahanol i mewn i addysg. Os ydych chi am ddod i’r coleg, ond dydych chi ddim yn siŵr os ydych chi’n hollol barod, yna gallai cwrs Dechrau Newydd neu Sylfaen yng Ngholeg Sir Gâr a Choleg Ceredigion fod yn iawn i chi.

Mae cyrsiau Dechrau Newydd a Sylfaen yn gyfle i baratoi eich hun ar gyfer addysg bellach fel eich bod yn gallu dechrau cwrs eich breuddwydion gyda’r hyder a’r hunangred eich bod yn gallu gwneud unrhyw beth. Trwy weithdai, mentora a chyfleoedd interniaeth, byddwch yn ennill annibyniaeth, gwytnwch a’r sgiliau astudio sydd eu hangen arnoch i ffynnu. 

Byddwch mewn amgylchedd cefnogol gyda thiwtoriaid sy’n ymroddedig i helpu eich datblygiad personol yn ogystal â sicrhau eich llwyddiant academaidd. Ystyriwch hyn fel blwyddyn i chi gael adeiladu pont i’r dyfodol i chi’ch hun. Unwaith eich bod wedi cwblhau eich cwrs, byddwch yn barod ar gyfer pa gam bynnag rydych chi am gymryd nesaf. 

Felly os yw hyn yn swnio’n iawn i chi, galwch heibio i’n gweld ni mewn diwrnod agored, cwblhewch ffurflen gais a dechreuwch ar eich taith i ddyfodol mwy disglair heddiw.