Astudio Chwaraeon yng Ngholeg Sir Gâr

Ydych chi’n frwdfrydig am chwaraeon a ffitrwydd? Byddwch yn barod i droi eich cariad at chwaraeon yn yrfa werth chweil drwy astudio Chwaraeon yng Ngholeg Sir Gâr! 

Ar ein cyrsiau chwaraeon a ffitrwydd, byddwch yn plymio i fyd cyffrous gwyddor chwaraeon, hyfforddi a rheolaeth.  Byddwch yn dysgu gan staff addysgu profiadol sydd wedi gweithio yn y diwydiant, yn ymarfer eich sgiliau mewn cyfleusterau o’r radd flaenaf, a hyd yn oed yn cael cyfleoedd i weithio gyda thimau chwaraeon lleol.

Bydd gennych fynediad i amrywiaeth o gyfleusterau i helpu eich datblygiad, gan gynnwys cae 3G o’r radd flaenaf, cyfleuster codi pwysau a chyflyru sy’n arwain y sector, campfa a swît gwyddor chwaraeon a neuadd chwaraeon, sy’n cynnig gofod amlbwrpas ar gyfer llu o chwaraeon a gweithgareddau dan do. 

Ond nid yw’r cwrs yn ymwneud â gemau’n unig; mae’n ymwneud â dysgu sgiliau a fydd yn eich helpu i lwyddo mewn unrhyw yrfa.  Byddwch yn datblygu sgiliau arwain, gwaith tîm, a chyfathrebu sy’n werthfawr mewn unrhyw faes.  P’un a ydych chi’n breuddwydio am ddod yn hyfforddwr, hyfforddwr personol, therapydd chwaraeon, neu hyd yn oed rhedeg eich busnes chwaraeon eich hun, bydd ein cyrsiau yn eich helpu i gyrraedd eich cyrchnodau.

Os ydych yn barod i droi eich cariad at chwaraeon yn yrfa foddhaus, ymunwch â ni mewn diwrnod agored, cwblhewch eich ffurflen gais a symudwch tuag at lwyddo yn y dyfodol!