Mae ardystiadau Autodesk yn gymwysterau a gydnabyddir gan y diwydiant a all helpu dylunwyr, peirianwyr a gweithgynhyrchwyr lwyddo ar unrhyw gam o’u gyrfaoedd. Wrth i fwy a mwy o ddiwydiannau brofi bwlch sgiliau wrth iddynt gyflogi talent newydd, mae ardystiadau Autodesk yn darparu dilysiad dibynadwy o sgiliau a gwybodaeth.
Manylion y cwrs
- Pellter
£195 (Cyllid ReAct+ ar Gael)
Disgrifiad o'r Rhaglen
Cwmpesir pynciau amrywiol yn y cwrs hwn gan gynnwys cymhwyso sgiliau lluniadu sylfaenol, lluniadu gwrthrychau, lluniadu gyda chywirdeb ac addasu gwrthrychau. Cwmpesir pynciau eraill gan gynnwys defnyddio technegau lluniadu ychwanegol, trefnu gwrthrychau, ailddefnyddio cynnwys presennol, anodi lluniadau a chynlluniau gosod ac argraffu.
Dechreuwch gydag ardystiad Defnyddiwr Ardystiedig Autodesk (ACU) i wella llwyddiant academaidd a pharatoi ar gyfer coleg neu yrfa. Yna ewch ati i gyflymu datblygiad proffesiynol, gwellwch gynhyrchiant a chynyddwch hygrededd gyda Gweithiwr Proffesiynol Ardystiedig Autodesk.
Mae’r cwrs hwn wedi’i gynllunio ar gyfer dysgwyr sy’n dymuno ennill gwybodaeth a sgiliau hanfodol mewn meddalwedd Autodesk, gan ddod yn barod i ymuno â’r farchnad swyddi neu wella eu sgiliau wrth ddilyn llwybr gyrfa newydd.
Mae ardystiadau Defnyddiwr Ardystiedig Autodesk (ACU) yn gwella CVs dysgwyr, gan ddarparu tystiolaeth o gymhwysedd a hyfedredd. Mae ardystiad ACU yn ffordd wych i ddysgwyr sydd â thua 150 awr o brofiad meddalwedd Autodesk yn y byd go iawn ddilysu eu sgiliau meddalwedd. Mae ennill ardystiadau lefel Defnyddiwr yn rhoi hyder i ddysgwyr wrth iddynt barhau i feistroli cynhyrchion Autodesk a dilyn ardystiadau lefel broffesiynol yn y dyfodol.
Cyllid ReAct+
Os ydych wedi bod yn ddi-waith neu wedi eich diswyddo yn ystod y 12 mis diwethaf, gallai ReAct+ ddarparu’r cymorth sydd ei angen arnoch i ddychwelyd i’r gwaith yn gyflym. Gyda chyllid ar gyfer hyfforddiant sgiliau, datblygiad personol, a chymorth gyda chostau fel gofal plant a theithio, mae ReAct+ yn cynnig amrywiaeth o adnoddau i’ch helpu i oresgyn rhwystrau a dod o hyd i gyfleoedd newydd.