Academi E-chwaraeon yn Cynrychioli yn BETT 2025 a Phencampwriaethau Myfyrwyr E-chwaraeon Prydain

Yn ddiweddar, mynychodd ein staff E-chwaraeon a’n myfyrwyr Academi BETT 2025, lle bu ein Tîm Rocket League CSG yn cystadlu yn Nhwrnamaint Rocket League Pencampwriaethau Myfyrwyr E-chwaraeon Prydain eleni.  Cafwyd perfformiad trawiadol gan y tîm, gan sicrhau’r 4ydd safle mewn maes hynod gystadleuol. 

Y tu hwnt i’r gystadleuaeth, cafodd myfyrwyr y cyfle i gysylltu â chyd-ddysgwyr o golegau ledled y DU, gan adeiladu rhwydweithiau gwerthfawr o fewn y gymuned E-chwaraeon.

Yn y cyfamser, archwiliodd ac arddangosodd ein staff E-chwaraeon y technolegau cyfrifiadurol addysgol a masnachol diweddaraf, gan aros ar y blaen o ran tueddiadau sy’n dod i’r amlwg yn y diwydiant. Cawsant hefyd y fraint o gwrdd â ffigurau allweddol yn y sectorau E-chwaraeon a Chyfrifiadura, gan gynnwys Michael ‘ODEE’ O’Dell (Dignitas/Tîm y DU/E-chwaraeon Prydain) a Paul Coyle (SCAN UK), ynghyd ag aelodau o dîm E-chwaraeon Prydain.

Roedd y digwyddiad hwn yn gyfle gwych i’n dysgwyr Academi a’n hadran E-chwaraeon hefyd i ymgysylltu ymhellach ag arweinwyr diwydiant, cwmnïau, a sefydliadau addysgol - gan gryfhau cysylltiadau ac agor drysau ar gyfer cydweithredu yn y dyfodol.