Cofnodion Cyfarfod Bwrdd Coleg Ceredigion a gynhaliwyd - 5ed Hydref 2023

Eitem agenda 

Prif bwyntiau trafod

1

Llywodraethu’r Cyfarfod

23/15/1.1

Ymddiheuriadau am absenoldeb a datganiadau o fuddiannau

Ni dderbyniwyd unrhyw Ddatganiadau o Fuddiant.

23/15/1.2

Cymeradwyo cofnodion ANGHYFYNGEDIG y cyfarfod diwethaf: 29ain Mehefin 2023

CADARNHAODD y Bwrdd gofnodion ANGHYFYNGEDIG y cyfarfod a gynhaliwyd ar Ddydd Iau 29ain Mehefin 2023 fel cofnod cywir.

23/15/1.3

Materion sy’n codi a phwyntiau gweithredu nas cwmpaswyd mewn mannau eraill ar yr agenda

Doedd dim materion yn codi o’r cofnodion nas cwmpaswyd mewn mannau eraill ar yr agenda.

2

Materion i Drafod a / neu Gymeradwyo

23/16/2.1

Materion ar agenda Bwrdd Coleg Sir Gâr ar 5ed Hydref 2023 sy’n ymwneud â Choleg Ceredigion (Llafar)

Nododd y Pwyllgor fod yr eitemau canlynol ar yr agenda ar gyfer cyfarfod Bwrdd CSG a oedd yn ymwneud â Choleg Ceredigion, sef:

• Yr adolygiad Ôl 16
• Ymsuddiant Aberteifi - Mae angen un arolwg arall ar yr ymsuddiant ar gampws Aberteifi ac yna gellir cymryd camau i liniaru’r risg.  Mae’r cwmni yswiriant yn ymwybodol o’r sefyllfa hon a byddant yn cael y wybodaeth ddiweddaraf pan dderbynnir yr adroddiad terfynol a rhoddir cynllun ar waith i liniaru’r broblem.

23/16/2.2

Materion eraill yn ymwneud â Choleg Ceredigion

Roedd y Pennaeth wedi mynychu cyfarfod Partneriaeth Sgiliau Rhanbarthol a nodwyd a ganlyn:

• Nododd y Pwyllgor fod David Price wedi’i benodi’n bennaeth y Bartneriaeth Sgiliau Rhanbarthol.
• Sefydlwyd arsyllfa sgiliau i nodi bylchau sgiliau ac i nodi’r hyn sy’n ofynnol gan gyflogwyr a sut y gellir cyflawni hyn.
• Sefydlwyd grwpiau clwstwr ac mae’r Coleg yn bwriadu sicrhau cynrychiolaeth o fewn y clystyrau hyn.
• Mae’r Coleg yn rhan o grŵp o ddarparwyr, yn darparu sgiliau ar gyfer y rhanbarth.
• Roedd y Pwyllgor yn synnu nad oedd hyn yn cynnwys iechyd.

Roedd y Pennaeth wedi mynychu Cyfarfod Tyfu Canolbarth Cymru a nodwyd a ganlyn:

• Mae dogfen strategaeth Tyfu Canolbarth Cymru wedi cael ei haddasu rhywfaint.
• Mae meysydd wedi’u hamlygu o fewn y strategaeth yn cwmpasu; atgyfnerthu twristiaeth , ynni adnewyddadwy, sgiliau a chyflogaeth, menter a thwf busnes, trafnidiaeth, amaethyddiaeth, bwyd a diod, digideiddio ac ymchwil cymhwysol ac arloesi.
• Caiff cyfleoedd cwricwlwm a thwf eu halinio i’r meysydd hyn.

Nododd y Pwyllgor y byddai’r Pennaeth yn cwrdd ag Elen James, y Cyfarwyddwr Addysg ar gyfer Cyngor Sir Ceredigion i drafod alinio’r cwricwlwm.

Bu’r Pwyllgor yn trafod gwerthu’r tir o amgylch campws Aberystwyth a nodwyd a ganlyn:

• Roedd y tir o amgylch campws Aberystwyth ar werth bellach gan y Brifysgol.
• Roedd Llywodraethwr staff Coleg Ceredigion wedi ymweld â’r campysau ac wedi siarad â staff.
• Mae morâl staff yn ymddangos yn dra chalonnog yn dilyn y rhaglen diswyddiadau gwirfoddol (VR) a gwerthiant cyfredol y tir o gwmpas.
• Roedd y Coleg yn edrych ar opsiynau ar gyfer campws Aberystwyth.  Ar hyn o bryd byddai’r Coleg yn parhau i weithredu allan o’r safle ac aros am ganlyniadau’r adolygiad Ôl 16 a all gael dylanwad ar gyfeiriad.
• Roedd yn anhepgor bod yr holl wasanaethau hanfodol h.y. pŵer, mynediad digidol ac ati yn cael eu sicrhau er mwyn gwneud yn siŵr bod y Coleg yn parhau’n hollol weithredol.

Trafodwyd parcio ceir ar gampws Aberteifi, a nodwyd a ganlyn:

• Roedd adborth gan staff a myfyrwyr yn gadarnhaol gyda’r maes parcio’n cael ei fonitro gan Parking Eye.

Roedd y Pwyllgor yn hapus iawn bod Sam Everton, sydd newydd gael ei enwi’n Ben-cogydd Ifanc y Flwyddyn, yn gweithio allan o gampws Aberteifi a byddai’n teithio i gystadlu ym Monaco ym mis Tachwedd, ble bydd yn cynrychioli ei hun a’r Coleg.

3

Materion i’w Cymeradwyo*

23/17/3.1

Doedd dim materion i’w cymeradwyo.

4

Materion er Gwybodaeth**

23/18/4.1

Doedd dim materion er gwybodaeth

5

Unrhyw Fater Arall

23/19/5.1

Doedd dim unrhyw fater arall.

6

Datganiadau o Fuddiant

23/20/6.1

I gadarnhau unrhyw wrthdaro buddiannau a all fod wedi codi yn ystod y cyfarfod

Ni dderbyniwyd unrhyw Ddatganiadau o Fuddiant pellach yn ystod y cyfarfod.

7

Dyddiad y cyfarfod nesaf

23/21/7.1

Dyddiad y cyfarfod nesaf 

Dydd Iau 7fed Rhagfyr 2023 yn Ystafell Gynadledda Campws y Graig yn dechrau am 15:30.