Llyfrgelloedd

Ceir llyfrgell ar bob campws lle byddwch yn dod o hyd i ystod eang o adnoddau dibynadwy, o’r ansawdd gorau. Rydym yn cadw gwerslyfrau pwnc defnyddiol, llyfrau sy’n adeiladu ar eich gwybodaeth a’ch sgiliau, cyfnodolion, papurau newydd, DVDau a deunyddiau clywedol mewn stoc (ar rai safleoedd). Hefyd mae yna e-lyfrau, cyfnodolion a phapurau newydd y gellir eu cyrchu ar-lein 24/7. 

Yn yr adrannau Lles/Wellbeing a Dyfodol/Future, gallwch ddod o hyd i wybodaeth am ystod o bynciau i gefnogi eich twf personol a’ch helpu i  gynllunio eich camau nesaf ar ôl y coleg.

Gall eich llyfrgell gael effaith gadarnhaol ar eich astudiaethau a’ch gradd derfynol yn ogystal â bod yn lle diogel i ddarganfod mwy amdanoch chi eich hunan. Mae gennym staff cyfeillgar a gwybodus sy’n awyddus i’ch helpu i wneud y gorau o’r hyn sydd ar gynnig, felly mae croeso i chi gysylltu â ni.

Angen rhywfaint o help?

Cynigir sesiynau cynefino, sesiynau un-i-un sesiynau a gweithdai yn y dosbarth i’r holl ddysgwyr, beth bynnag yw lefel eich cwrs neu eich dull mynychu.

Cewch gynnig i gael sesiwn gynefino â’r llyfrgell ar ddechrau eich cwrs. Bydd hyn yn cwmpasu’r hanfodion i gyd a byddwch yn gallu gofyn cwestiynau hefyd! Ond, os ydych yn methu hyn, rydych wedi dechrau’n hwyr — neu hyd yn oed os hoffech chi fynd drwy bethau eto - mae modd i chi gael sesiwn galw heibio neu sesiwn un i un wedi’i bwcio ymlaen llaw - dim ond i chi gysylltu â llyfrgell eich campws.

Oes angen Cerdyn Llyfrgell arnoch chi?

Efallai bod un gennych yn barod! Eich Cerdyn Adnabod Coleg Sir Gâr yw eich Cerdyn Llyfrgell hefyd. Does dim cofrestriad ar wahân, felly unwaith eich bod wedi derbyn eich cerdyn gallwch chi ddechrau benthyca. Cofiwch y bydd angen eich cerdyn arnoch bob tro y byddwch yn ymweld â’r Llyfrgell a pheidiwch â gadael i unrhyw un arall ei ddefnyddio.