Cofnodion Cyfarfod Bwrdd Coleg Sir Gâr a gynhaliwyd - 27ain Mehefin 2024

Eitem agenda 

Prif bwyntiau trafod

Cam gweithredu/penderfyniad

1

Materion a Gedwir yn Ôl

24/08/1.0

Argymhellion o gyfarfod y Pwyllgor Taliadau a gynhaliwyd ar 19eg Mehefin 2024 (Adroddiad Llafar)

DERBYNIODD y Bwrdd adroddiad llafar yn dilyn cyfarfod y Pwyllgor Taliadau a gynhaliwyd ar ddydd Mercher, 19eg Mehefin 2024.  Cyflwynwyd adroddiad ar argymhellion y Pwyllgor Taliadau a’u hegluro i aelodau Anweithredol y Bwrdd.  CYMERADWYWYD yr argymhellion ar gyfer y ddau ddeilydd uwch swyddi - Pennaeth a Chlerc.

Cam Gweithredu:  Y Cyfarwyddwr Pobl a Diwylliant i roi ar waith y penderfyniadau a gymeradwywyd gan y Pwyllgor Taliadau.

2

Llywodraethu’r Cyfarfod

24/09/2.1

Ymddiheuriadau am absenoldeb a datganiadau o fuddiannau

Derbyniwyd ymddiheuriadau am absenoldeb gan:

• Ms Tracy Senchal
• Mr Huw Davies
• Ms Jenna Loweth (Myfyrwraig)
• Dr Peter Spring (Enwebai PCYDDS)
• Yr Athro Elwen Evans KC (Is-Ganghellor, PCYDDS)
• Mr Emlyn Dole (Cadeirydd Cyngor PCYDDS)

Ni dderbyniwyd unrhyw Ddatganiadau o Fuddiant pellach heblaw am y rheiny oedd eisoes gan Glerc y Bwrdd.

24/09/2.2

Cymeradwyo cofnodion anghyfyngedig y cyfarfod   

Diwethaf: 7fed Mawrth 2024

CADARNHAODD y Bwrdd gofnodion ANGHYFYNGEDIG cyfarfod y Bwrdd a gynhaliwyd ar ddydd Iau 

7fed Mawrth 2024 fel cofnod cywir.

24/09/2.3

Cymeradwyo cofnodion cyfyngedig y cyfarfod diwethaf 7fed Mai 2024

CADARNHAODD y Bwrdd gofnodion CYFYNGEDIG cyfarfod y Bwrdd a gynhaliwyd ar ddydd Mawrth

7fed Mai 2024 fel cofnod cywir.

24/09/2.4

Materion sy’n codi a phwyntiau gweithredu nas cwmpaswyd mewn mannau eraill ar yr agenda.

• Cynllun Gweithredu Treigl Bwrdd CSG

Doedd dim unrhyw faterion yn codi.

Nododd y Pwyllgor fod yr holl gamau gweithredu o fewn y raddfa amser berthnasol wedi’u cyflawni.

23/09/2.5

Cofnodion cyfarfod Bwrdd Coleg Ceredigion: 7fed Mawrth 2024

(Er gwybodaeth yn unig)

DERBYNIODD a NODODD y Bwrdd gofnodion cyfarfod Bwrdd Coleg Ceredigion a gynhaliwyd ar ddydd Iau, 7fed Mawrth 2024.

3

Materion i Drafod a/neu Gymeradwyo

24/10/3.1

Materion Ariannol y Coleg 23/24

• Ailragolwg 2 ar Gyfnod 8

DERBYNIODD ac YSTYRIODD y Bwrdd yr Ailragolwg Ariannol ar Gyfnod 8.  NODWYD:

• Mae’r holl ffigurau yn gostau pensiwn “nad ydynt yn arian parod” cyn FRS 102 a chostau R/D eithriadol.
• Mae newid cadarnhaol bach o’r ailragolwg blaenorol.
• Ar gyfer y Grŵp AB: Mae’r ailragolwg presennol (a baratowyd ym mis Mawrth 24 - cyfnod 8) yn dangos gwelliant bach o £9k yn erbyn yr ailragolwg cyntaf, diffyg yn yr ailragolwg o £(89)k yn erbyn diffyg o £(98)k.  
• Ar gyfer Coleg Sir Gâr: Mae’r ailragolwg presennol yn dangos gwelliant bach o £9k, gyda cholled yn cael ei rhagweld o £(92)k yn erbyn diffyg o £(101)k. 
• Ar gyfer Coleg Ceredigion:  Nid oes newid ar y cyfan i’r sefyllfa yn y gyllideb: gwarged o £3k.  
• Dangosodd dadansoddiad o ragolwg y balansau arian parod fod yr arian parod yn £16,953k yn erbyn rhagolwg o £15,606k - gwelliant o £1,356k.   Yn dilyn addasiadau, y gwir newid yn ffigwr yr arian gweithredol yw gwaethygiad o £(129)k
• Y newidiadau mwyaf yw £60k mewn arian ychwanegol a £130k mewn arian ôl-groniad cynnal a chadw.
• Mae costau cynnal a chadw’r ystadau wedi cynyddu.
• Mae’r rhan fwyaf o’r risgiau ar gyfer y flwyddyn ariannol gyfredol wedi symud i risg isel, sydd i’w ddisgwyl yr adeg hon o’r flwyddyn.
• Mae manteision posibl yn cynnwys incwm llog parhaus, er nad yw hyn yn cael ei gynnwys yn y masnachu cyffredinol ac mae’n fonws.
• Derbyniwyd £60k o arian ychwanegol a £160k o arian ôl-groniad cynnal a chadw.
• Y fantais fwyaf o bosibl yw’r llog a dderbynnir, gyda’r cyfraddau’n parhau i fod yn uchel.

CYMERADWYODD y Bwrdd Ailragolwg 2 (ar Gyfnod 8).

24/10/3.2

Materion Ariannol y Coleg 24/25

• Cyllideb 24/25

DERBYNIODD ac YSTYRIODD y Bwrdd y gyllideb ddrafft ar gyfer 2024/2025.  NODWYD:

• Mae’r holl ffigurau yn gostau pensiwn “nad ydynt yn arian parod” cyn FRS 102.
• Ar gyfer y Grŵp AB: Ar hyn o bryd disgwylir diffyg sylweddol o tua £(2.1)m cyn eitemau pensiwn nad ydynt yn arian parod FRS 102.   Mae sawl ffactor yn aneglur neu’n anhysbys ar hyn o bryd, a gwnaed rhai rhagdybiaethau i gyrraedd y sefyllfa hon.
• Rhagwelir y bydd arian parod yn gostwng tua £(1.8)m (ar ôl CAPEX o £(300k). Er bod hyn yn ostyngiad sylweddol mewn blwyddyn, bydd y coleg yn parhau i fod â balans cymharol iach o £15.1m ar ddiwedd y flwyddyn (yn ôl safonau hanesyddol, mae hyn yn eithaf uchel).   Dyma’r sefyllfa a ragwelwyd ddwy flynedd yn ôl.
• Ar hyn o bryd, nid oes unrhyw fwriad i ymgymryd â rhaglen R/D eleni i geisio gwrthbwyso colledion (gwnaed yr ailstrwythuro diwethaf yn 22/23 a sicrhawyd tua £1.14m o arbedion o ran y gyflogres heb fynd i R/D Gorfodol).  Wedi dweud hynny, bydd y Coleg yn ceisio lleihau costau cymaint â phosibl trwy annog effeithlonrwydd a gwario dim ond pan fo hynny’n gwbl angenrheidiol.
• Oherwydd hyn, mae risg uchel o fesurau arbed costau pellach yn 24/25 er mwyn paratoi’r colegau ar gyfer 25/26. Bydd hyn yn dibynnu ar ddyraniadau prif ffrwd AB a DSW ar gyfer 25/26 - na cheir gwybod amdanynt tan ganol y flwyddyn (yn gynt gobeithio, o ystyried natur hollbwysig y wybodaeth).  
• Bydd y rhan fwyaf, os nad pob un, o’r colegau yn yr un sefyllfa.  Mae gan rai Colegau arian pontio eleni, sy’n disgyn allan yn 2025/26, ac mae Coleg Sir Gâr mewn sefyllfa gref i beidio â bod angen y rheoli newid hwn.
• Mae prif sbardunau’r golled o’n sefyllfa adennill costau yn dilyn Rhaglen 22/23 fel a ganlyn:
• Rhagolwg 22/23 i adennill costau yn 24/25 = £1.5m o arbedion o’r rhaglen R/D. Daeth i ben ar £1.1m, gan adael diffyg o tua £0.4m.
• Colled contract DSW o tua £1m
• Codiad Cyflog 24/25 o 3.5% heb ei gyllido £0.2m
• Cynnydd yng Ngraddfeydd Cyflogau 24/25 £0.2m
• Colli cyllid SPF £0.2m 
• Chwyddiant amrywiol mewn costau heblaw cyflogau
• Yn gyflym iawn mae’n cyrraedd tua £2m  
• Sylwer: rhagwelwyd y gostyngiad o tua £500k mewn cyllid AB ar gyfer 24/25.
• Coleg Sir Gâr:  Diffyg o £(1,938)k gyda lleihad mewn arian parod o tua £(1,665)k
• Coleg Ceredigion:  Diffyg o £(183)k gyda lleihad mewn arian parod o tua £(138)k 
• Oherwydd nifer y campysau, mae costau seilwaith yn uchel, a bydd datblygiad y MIM yn helpu i ostwng y costau hyn.
• Nid yw’r coleg wedi gorfod cael cyllid rheoli newid, y mae rhai colegau eraill wedi’i gael i gwtogi ar golledion.   Mae gobaith y bydd dyraniad 2025/2026 yn gwella, ond mae’r coleg mewn sefyllfa wydn i ddal ei afael yn ystod cyfnod a fydd yn heriol.
• Rhagwelir y bydd y MIM yn adennill costau ym mlwyddyn 8 neu 9; dros 20 mlynedd, mae’n cynnig arbedion o hyd at £16m. 
• Gallai gwaredu tir ym Mhibwrlwyd ddod â £4m i £6m a fydd yn helpu i gynnig byffer.
• Sefyllfa gref yn yr hinsawdd sydd ohoni.
• Mae PLA wedi symud i mewn i ran-amser ar gyfer 2024/2025 a fydd yn llai proffidiol i’r Coleg.
• Ar hyn o bryd mae Cyllid Pensiwn Athrawon yn cael ei ystyried yn risg uchel  hyd nes y bydd safbwynt Llywodraeth Cymru ynghylch a fydd hwn yn cael ei ariannu yn hysbys.
• Mae cyllid llawn amser AB yn hysbys, ac ni ddisgwylir unrhyw adfachu gyda niferoedd da o ddysgwyr, ac ystyrir hyn yn risg isel.
• Mae targedau AU wedi’u gosod fel risg canolig gyda gostyngiadau dros y pedair blynedd ddiwethaf, ond dengys dangosyddion y gall y duedd hon fod yn arafu.
• Gwelodd pob Coleg ostyngiadau mewn Dysgu seiliedig ar waith yn 2023/2024 ac mae wedi’i osod fel risg canolig.  Mae arwyddion cychwynnol yn awgrymu cyllid tebyg i eleni; fodd bynnag, nid yw’r contract wedi’i dderbyn eto.
• Rhagdybir codiadau cyflog o 3.5% yn y gyllideb, ond ni chytunwyd ar hyn eto.  
• Dim ond codiadau cyflog sy’n gysylltiedig yn uniongyrchol ag incwm AB y mae Llywodraeth Cymru yn eu hariannu, felly mae pob codiad cyflog o 1% yn costio £60k i’r Coleg.  
• Oherwydd amrywiaeth incwm y coleg, mae’r elfen o godiadau cyflog nad yw’n cael ei hariannu yn gwaethygu dros amser.
• O gymharu â Cholegau eraill, mae CSG wedi cael dyraniad ffafriol ar gyfer 2024/2025, er bod y sefyllfa’n heriol iawn o hyd.

Gofynnwyd a ellid rhoi unrhyw fesurau ar waith yn ystod y flwyddyn i wneud arbedion cynyddol.   NODWYD nad oes unrhyw doriadau wedi’u gwneud i gludiant dysgwyr, a allai gynnig arbedion sylweddol, ond byddai hyn yn effeithio ar ddysgwyr a recriwtio ac roedd y Coleg yn gyndyn o leihau hyn.   Mae mesurau tymor byr, fel cau campysau yn gynharach, ar y gweill.  Fodd bynnag, yn weithredol, mae’r Coleg yn ddarbodus iawn, a does dim unrhyw arbedion sylweddol ychwanegol.  Byddai arbedion pellach yn debygol o gael effaith ar ddysgwyr a darpariaeth.

Gofynnwyd a oedd yr undebau’n gwybod am sefyllfa ariannol tymor hir Colegau AB.  NODWYD eu bod yn ymwybodol o’r sefyllfa. Trafodir cyflogau athrawon gan gorff annibynnol sydd wedi cyfarfod a chytuno ar gais am dâl; fodd bynnag, nid yw’r Coleg yn gwybod beth yw’r cais hwn ar hyn o bryd.    Byddai unrhyw godiad a roddir dros y ffigwr o 3.5% yn y gyllideb yn ergyd i’r Coleg.

Gwnaed sylw y gallai’r Coleg ystyried ailfeddwl ei fodel gweithredu cyfan.  A oes modd ail-lunio sail costau gweithredu’r Coleg.  NODWYD y bydd y Coleg yn gweld newid dramatig o ran ei ystad dros y pum mlynedd nesaf gyda phrosiect MIM, a fydd yn effeithio ar y strwythur gweithredu oherwydd bydd y Coleg yn gweithredu o lai o gampysau.     Mae’r SLT yn edrych yn barhaus ar effeithlonrwydd gweithredol a newidiadau sydd wedi’u gwneud ac a fydd yn parhau i gael eu gwneud.   Mae cyfarfodydd yn cael eu cynnal gyda PCYDDS a Choleg Sir Benfro i drafod strwythur a pherthnasoedd yn y dyfodol.

Trafodwyd cynhyrchu incwm, diogelu’r Coleg at y dyfodol, a dull blaenoriaethu.  Tynnwyd sylw at brosiect MIM fel prosiect a fydd yn helpu cynaladwyedd y Coleg wrth symud ymlaen. Fodd bynnag, mae angen ystyried yn ofalus er mwyn cael y Coleg i’r pwynt hwn.

CYMERADWYODD y Bwrdd y Gyllideb ar gyfer 2024/2025.

[Gadawodd Mr Eifion Griffiths (Enwebai PCYDDS) am 16:14. Cymeradwyodd Eifion Griffiths ar lafar y polisïau sydd i ddod yn ddiweddarach yn yr agenda].

Nid oedd cworwm yng nghyfarfod y Bwrdd gan nad oedd Enwebai PCYDDS yn bresennol mwyach.

[Gadawodd Mr Ben Francis a Ms Sarah Clark, a oedd yn mynychu’n rhithwir, y cyfarfod am 16:18 oherwydd problemau cysylltu]

Cafwyd problemau cysylltu yn ystod y cyfarfod, gyda rhai mynychwyr yn methu cael mynediad i ddogfennau’r agenda.  TRAFODWYD darparu un-ddogfen fel .pdf y gellir ei lawrlwytho er mwyn helpu i liniaru’r posibilrwydd na fyddai mynychwyr yn gallu cael mynediad i’r holl wybodaeth berthnasol.

Cam Gweithredu: Clerc i ddarparu un-ddogfen fel .pdf y gellir ei lawrlwytho o wybodaeth y cyfarfod.

24/10/3.3

Cynllun Strategol 2018 - 2024

DERBYNIODD ac YSTYRIODD y Bwrdd y gwerthusiad o’r Cynllun Strategol o 2018 - 2024.  NODWYD:

• Tynnwyd sylw at lwyddiannau a oedd yn cynnwys addysgu a dysgu rhagorol, profiad dysgwyr ysbrydoledig, gwytnwch sefydliadol a gweithio mewn partneriaeth ymroddedig.  Roedd hyn yn cynnwys gwobrau a dderbyniwyd, prosiectau a gydnabuwyd yn genedlaethol, llwyddiannau dysgwyr, datblygiadau cynaliadwy, amrywiaeth incwm, cynnydd digidol a gweithio mewn partneriaeth gyda sefydliadau a Cholegau ledled y byd.  
• Roedd y cynllun strategol yn cynnwys cyfnod Covid-19 ac roedd yn amlygu llwyddiant y Coleg wrth addasu a llwyddo yn ystod y cyfnod amser cyfnewidiol hwn.
• Nodwyd arolygiad llwyddiannus Estyn yn 2022, a oedd yn nodi:
• Mae’r pennaeth wedi gosod gweledigaeth sy’n llywio blaenoriaethau strategol y coleg yn dda.
• Mae’r rhan fwyaf o ddysgwyr yn teimlo’n ddiogel ac yn cael eu cefnogi’n dda.
• Mae bron pob un o’r athrawon yn adnabod eu dysgwyr yn dda ac yn meithrin perthnasoedd sy’n annog ac yn cynorthwyo dysgwyr i wneud cynnydd.
• Mae’r rhan fwyaf o athrawon yn datblygu sgiliau digidol dysgwyr yn fedrus.   
• Mae’r coleg yn cyflwyno ystod eang o gyrsiau ac mae’n ymatebol i anghenion cyflogwyr.  
• Mae gan y coleg brosesau sicrhau ansawdd cynhwysfawr.
• Mae llawer o athrawon yn atgyfnerthu sgiliau Cymraeg trwy gefnogi dysgwyr i ddefnyddio’r Gymraeg.
• Mae llawer o athrawon yn atgyfnerthu sgiliau Cymraeg trwy gefnogi dysgwyr i ddefnyddio eu Cymraeg.
• Trawsnewid digideiddio Addysgu a Dysgu ers y pandemig byd-eang.

Gwnaed sylw bod y wybodaeth yn wych i’w darllen ac i ddeall yr hyn sy’n bosibl.   Cwestiwn sydd ynghlwm â hyn yw y dylai’r SLT ofyn beth ddysgodd y Coleg o’r cyfnod hwn y gellir ei ddefnyddio ar gyfer yr heriau sydd o fewn cyfnod y cynllun strategol newydd.   NODWYD y byddai’r cwestiwn hwn yn cael ei ofyn, ac mae pwysigrwydd cael tîm cryf wedi bod yn allweddol dros y blynyddoedd diwethaf, yn enwedig gyda’r heriau a wynebwyd.   Mae’r tîm yng Ngholeg Sir Gâr yn un cryf ac yn un o’r rhesymau pam y bu cymaint o lwyddiannau rhagorol yn bosibl.  Dywedodd y Cadeirydd a’r Is-gadeirydd wrth y Bwrdd eu bod wedi bod yn bresennol yng nghyfarfod strategol y staff yn ddiweddar.  Roedd eu profiad wedi creu argraff arnynt, ac roeddent yn ystyried yr SLT i fod yn gyffrous a chryf.

Gofynnwyd sut mae canlyniadau strategaeth 2018-2024 yn cymharu â’r weledigaeth a osodwyd ar ddechrau’r cyfnod hwn. Nodwyd bod y strategaeth yn unol â’r targed ar y cyfan. Mae’n bosib na ddatblygodd perthnasoedd strategol gyda PCYDDS a Choleg Sir Benfro cymaint ag y gobeithiwyd, gyda rhai agweddau nad oedd y Coleg yn gallu eu rheoli, ond mae’r rhain wedi cyflymu a byddant yn parhau i wneud hynny.   Nid yw’r adolygiad Ôl-16 yng Ngheredigion wedi symud ymlaen ers sawl mis, ac er bod y Coleg wedi ceisio gwthio hyn, ni all y Coleg ei reoli.  Y gobaith yw y bydd penderfyniad yn cael ei wneud yn gymharol fuan er mwyn i’r Coleg allu cynllunio ar gyfer y dyfodol yn yr ardal hon.

Trafodwyd hyrwyddo llwyddiant y coleg, gan sicrhau y gwneir y mwyaf o hyn.  Ystyriwyd bod adborth gan y Bwrdd i’r staff a oedd wedi helpu myfyrwyr i gyflawni llwyddiant mawr yng ngwobrau’r Gorau o’r Goreuon yn bwysig iawn.   Byddai’r Cadeirydd a’r Is-gadeirydd yn ysgrifennu at y staff oedd yn ymwneud â’r Gorau o’r Goreuon.

24/10/3.4

Cynllun Strategol 2024 - 2030 

DERBYNIODD ac YSTYRIODD y Bwrdd y drafft cyntaf o’r Cynllun Strategol ar gyfer 2024 - 2030.  NODWYD:

• Roedd yr Uwch Dîm Arweinyddiaeth, ynghyd â’r Cadeirydd a’r Is-gadeirydd, wedi mynychu diwrnod i ffwrdd o’r coleg i ddechrau datblygu fersiwn gyntaf y cynllun strategol newydd.
• Ymgymerir ag ymgysylltu ag amrywiol grwpiau, gan gynnwys y Bwrdd, staff, undebau a myfyrwyr.
• Y bwriad yw cyflwyno fersiwn wedi’i diweddaru o’r cynllun strategol hwn yng nghyfarfod y Bwrdd ym mis Hydref, sy’n dangos datblygiad a mewnbwn pellach gyda fersiwn lawn o hwn yng nghyfarfod y Bwrdd ym mis Rhagfyr.  
• Bydd hyn wedyn yn galluogi llunio cynllun gweithredol o fis Ionawr 2025.
• Gellid ystyried yn ogystal ymgysylltu â Phartneriaeth Sgiliau Rhanbarthol Canolbarth Cymru (RSP) ac Is-adran Sgiliau Llywodraeth Cymru i gael rhyngweithio â busnes.
• Roedd y cynllun drafft yn cynnwys gwybodaeth am ddiben, gweledigaeth, gwerthoedd ac ymddygiadau, blaenoriaethau strategol, profiad dysgwyr a llwyddiant personol, cyfoethogi cymunedau a lles, cynnal gwytnwch sefydliadol, ffyniant economaidd a chymdeithasol, ac arloesi.   
• Gofynnodd y Pennaeth i’r Bwrdd a oeddent o’r farn bod y weledigaeth yn gytbwys ac yn ddigon uchelgeisiol.  
• Dylai’r gwerthoedd fod yn berthnasol i bawb yn y Coleg.

Rhannwyd mynychwyr y Bwrdd yn grwpiau i drafod y cynllun strategol drafft a rhoi adborth.

[Gadawodd Mr Peter Mannion (Prif Swyddog Gweithredu, PCYDDS) am 17:18].

Yn dilyn trafodaeth grŵp, trafodwyd yr adborth o fewn y fforwm.  NODWYD:

• Trafodaeth ar y Diben:
• Grŵp 1
• Teimlwyd bod y dibenion a restrwyd yn gynhwysol.
• Sylwadau craff o ran gwrthdroi effaith Covid ac edrych ar yr hyn gallwn ei wneud i symud ymlaen.
• Roedd ymdeimlad o berthyn yn amlwg.
• Teimlwyd y gellid cryfhau croesawu unigoliaeth o fewn y diben.
• Grŵp 2
• Roedd y gair addysg wedi ysgogi trafodaeth.  Siapio dinasyddion - paratoi, sgilio a galluogi pobl.  Roedden nhw’n teimlo bod y gair addysg yn cyfyngu ar hyn.
• Roedd yn bwysig cynnwys siapio a galluogi unigolion.
• Grŵp 3
• Ar y cyfan, roedden nhw’n hoffi’r dibenion.
• Roedden nhw hefyd yn cwestiynu’r defnydd o’r gair addysg.  Sôn am siapio (rôl pwy yw siapio addysg (llywodraeth, Colegau?). 
• Ystyriwyd bod siapio bywydau yn derm da.
• Soniwyd am Gryfhau Cymunedau yn hytrach na Chysylltu Cymunedau - Cysylltu Cymunedau i ba bwrpas oedd cwestiwn a ofynnwyd?  Os ydych chi’n cynhyrchu dinasyddion cryf, yna rydych yn cryfhau eich cymuned.
• Trafodaeth ar y Weledigaeth:
• Grŵp 2
• Roedd y ffocws ar siapio dinasyddion yn amlwg (gan ddilyn ymlaen o’r diben).
• Roedd pwyslais ar y Coleg yn dod yn boblogaidd gan gyflogwyr - unigolion y mae galw mawr amdanynt wrth iddynt ddod i ben â bod yn ddysgwyr (os ydynt yn Ddysgwyr CSG, byddant yn dda).
• Yr amgylchedd - gwytnwch o ran newid hinsawdd - bod yn hyderus y gallwn weithredu’n gynaliadwy o fewn ein model. 
• Addysgu dinasyddion amgylcheddol - ysgogi myfyrwyr i ddod yn unigolion amgylcheddol. 
• A ddylid cynnwys newid sylweddol tuag at sero net? 
• A ddylid rhoi mwy o bwyslais ar iechyd meddwl myfyrwyr? Byddai gweld coleg sy’n cyfoethogi a datblygu sy’n cefnogi datblygu iechyd meddwl gwydn yn dda.
• Soniwyd am ddadlau dros gymwysterau yn y dyfodol.  Beth yw’r anghenion busnes? Ydyn ni’n ymwneud â’r broses o fod yn ddarparwr ar gyfer gweithlu’r dyfodol?
• Tynnwyd sylw at y ffaith bod cryfhau addysg oedolion ac addysg barhaus (dysgu gydol oes) yn bwysig.
• A ddylai’r gwerthoedd gynnwys bod yn fentrus, manteisio ar gyfleoedd a chymryd risgiau (y Bwrdd neu ddysgwyr unigol yn camu y tu allan i’w cylch cysur)?  Bod yn arloesol, peidio â bod ofn methu, cael caniatâd i roi cynnig arni.  Roedd aelodau eraill y Bwrdd yn hoffi’r term “bod yn fentrus - bod yn hyderus”;  Rhannu ein llwyddiant a chwyddo ein llais.
• Yn y Gwerthoedd, trafodwyd y gair uniondeb.  Teimlai un neu ddau o aelodau’r Bwrdd mai gwneud y peth iawn yw hyn.   A oes angen symleiddio’r iaith?

24/10/3.5

Adroddiad Effaith y Strategaeth Ryngwladol 2023/2024.

DERBYNIODD y Bwrdd gyflwyniad a oedd yn tynnu sylw at effaith gwaith rhyngwladol y coleg.  Strategaeth, gweledigaeth ac effaith.  NODWYD:

• Y diben oedd creu dinasyddion a rhwydweithiau byd-eang.
• Y weledigaeth a gyflwynwyd oedd:
• Cyfoethogi a gwella profiadau addysgu a dysgu.
• Codi dyheadau dysgwyr ac ehangu eu gorwelion.
• Llywio ymarfer proffesiynol a gwella darpariaeth.
• Codi proffiliau gwaith rhyngwladol a ymgymerir yng Ngholeg Sir Gâr a Choleg Ceredigion.
• Gweithio gyda cholegau yn rhanbarth De-orllewin Cymru i ddatblygu ymagwedd ranbarthol tuag at weithgarwch rhyngwladol.
• Adeiladu capasiti o fewn y coleg i archwilio cyfleoedd busnes rhyngwladol.
• Alinio â strategaethau rhyngwladol ehangach a datblygu partneriaethau pwrpasol.
• Llywio ymarfer proffesiynol a gwella darpariaeth.
• Gweithio gyda Cholegau Cymru Rhyngwladol i ddylanwadu ar bolisi Llywodraeth Cymru i siapio profiad y dysgwr a datblygiad busnes yn y dyfodol. 
• Cafodd y Coleg £247,403 o gyllid, a ddefnyddiwyd gan 147 o ddysgwyr a 79 o staff i deithio a phrofi 220 o ddiwrnodau mewn 13 o wledydd gwahanol.
• Dangoswyd fideos, gyda dysgwyr a staff yn rhoi adborth yn uniongyrchol i’r bwrdd.
• Blaenoriaethau Strategol 2024/2025:
• Adolygu’r strategaeth i sicrhau bod y dysgwyr mwyaf difreintiedig yn cael eu cefnogi’n llawn i gymryd rhan mewn symudedd.
• Datblygu rhaglen ryngwladoli ddigidol er mwyn ehangu mynediad i bob dysgwr.
• Archwilio cyfleoedd cyllido amgen er mwyn cynyddu cyfleoedd rhyngwladol.
• Nodi a phecynnu cwrs byr masnachol y gellir ei gynnig i’r farchnad ryngwladol.
• Datblygu KPIs er mwyn dangos effaith yn feintiol.

24/10/3.6

Sefyllfa Bresennol y Coleg (MIM)

DERBYNIODD y Bwrdd ddiweddariad o ran y sefyllfa gyda’r MIM.   NODWYD:

• Mae Llywodraeth Cymru wedi cymeradwyo achos amlinellol strategol y MIM.
• Mae WEPCO wedi cymeradwyo a derbyn y Cais am Brosiect Newydd (NPR).
• Mae cyfarfodydd wedi’u trefnu ar gyfer gweddill y flwyddyn er mwyn dechrau dylunio’r cysyniad.
• Rhagwelir y bydd adeiladu am ddwy flynedd a’r gobaith yw y bydd yn agor erbyn Chwefror 2029 neu’n gynharach gobeithio.

4

Materion i’w Cymeradwyo*

24/11/4.1

Polisïau AD:

1. Polisi Cefnogi Presenoldeb yn y Gwaith  2024-2027
2. Polisi a Gweithdrefn Gweithio Hyblyg  2024-2027
3. Polisi a Gweithdrefn ar Gyflogi Cyflogeion Tymor Penodol  2024-2027

DERBYNIODD a CHYMERADWYODD y Bwrdd mewn egwyddor y polisïau canlynol:

• Polisi Cefnogi Presenoldeb yn y Gwaith  2024-2027
• Polisi a Gweithdrefn Gweithio Hyblyg  2024-2027
• Polisi a Gweithdrefn ar Gyflogi Cyflogeion Tymor Penodol  2024-2027

Roedd Eifion Griffiths (Enwebai PCYDDS) wedi cymeradwyo’r polisïau ar lafar cyn gadael y cyfarfod.  CYTUNODD y Bwrdd fod angen cael cymeradwyaeth ysgrifenedig gan Eifion Griffiths i’r polisïau er mwyn cadarnhau cymeradwyaeth lawn i’r polisïau.

Cam Gweithredu: Clerc i gael cymeradwyaeth ysgrifenedig gan Eifion Griffiths i’r polisïau.

5

Materion er Gwybodaeth**

24/12/5.1

Adroddiad Pwyllgor o Gyfarfod y Pwyllgor Dysgwyr a Safonau a gynhaliwyd ar 25ain Ebrill 2024

DERBYNIODD y Bwrdd er GWYBODAETH yr Adroddiad Pwyllgor yn dilyn cyfarfod y Pwyllgor Dysgwyr a Safonau a gynhaliwyd ar 25ain Ebrill 2024.

24/12/5.2

Adroddiad Pwyllgor o gyfarfod y Pwyllgor Adnoddau, Gwytnwch a Phartneriaethau a gynhaliwyd ar 9fed Mai 2024

DERBYNIODD y Bwrdd er GWYBODAETH yr Adroddiad Pwyllgor yn dilyn  cyfarfod y Pwyllgor Adnoddau, Gwytnwch a Phartneriaethau a gynhaliwyd ar  9fed Mai 2024. 

24/12/5.3

Adroddiad Pwyllgor o gyfarfod y Pwyllgor Archwilio a Rheoli Risg a gynhaliwyd ar 7fed Mai 2024

DERBYNIODD y Bwrdd er GWYBODAETH yr Adroddiad Pwyllgor yn dilyn cyfarfod y Pwyllgor Archwilio a Rheoli Risg a gynhaliwyd ar 7fed Mai 2024.

24/12/5.4

Adroddiad Pwyllgor o gyfarfod y Pwyllgor Chwilio a Llywodraethu a gynhaliwyd ar 17eg Mehefin 2024

DERBYNIODD y Bwrdd er GWYBODAETH yr Adroddiad Pwyllgor yn dilyn cyfarfod y Pwyllgor Chwilio a Llywodraethu a gynhaliwyd ar 17eg Mehefin 2024.

24/12/5.5

Llythyr gan Simon Pirotte – CTER – (Medr)

DERBYNIODD y Bwrdd wybodaeth gan Simon Pirotte, Prif Weithredwr CTER yn cyflwyno enw brand newydd CTER: Medr.

24/12/5.6

Diwrnod Datblygu ar y Cyd - Medi 2024

DERBYNIODD y Bwrdd wybodaeth am Ddiwrnod Datblygu ar y Cyd posibl gyda PCYDDS a gofynnwyd iddynt ystyried a rhoi adborth ar unrhyw bynciau y teimlent y gellid eu cynnwys. 

24/12/5.7

Calendr y Bwrdd a Phwyllgorau 2024/25

DERBYNIODD a NODODD y Bwrdd Galendr drafft y Bwrdd a’r Pwyllgorau ar gyfer 2024/2025.

6

Unrhyw Fater Arall

24/13/6.1

Estynnodd y Cadeirydd groeso i Hannah Freckleton, Llywydd newydd Undeb y Myfyrwyr, a dywedodd wrth y Bwrdd fod Hannah wedi bod i Brifysgol Rhydychen yn ddiweddar i gasglu gwobr am ysgrifennu traethodau.   Fe wnaeth y Bwrdd longyfarch Hannah ar ei chyflawniad.

7

Datganiadau o Fuddiant

24/14/7.1

I gadarnhau unrhyw wrthdaro buddiannau a all fod wedi codi yn ystod y cyfarfod.

Ni dderbyniwyd unrhyw Ddatganiadau o Fuddiant pellach yn ystod y cyfarfod.

8 

Dyddiad y cyfarfod nesaf

24/15/8.1

Dyddiad y cyfarfod nesaf

Dydd Iau 17eg Hydref yn yr Ystafell Gynadledda ar Gampws y Graig yn dechrau am 16:00.