gan gydnabod yr angen brys i fynd i’r afael â Newid yn yr Hinsawdd.  Mae’r datganiad hwn yn tanlinellu difrifoldeb yr heriau amgylcheddol sy’n ein hwynebu a’r angen am ymdrechion ar y cyd ar draws ein cymdeithas.  Rydym yn wynebu ras i sero net erbyn 2030 ac mae’n hanfodol ein bod ni’n arfogi’n hunain â’r wybodaeth a’r sgiliau angenrheidiol i gwrdd â’r her hon yn uniongyrchol. A dyna’n union yw pwrpas y prosiect hwn.

Gwyrdd 24 yw ein hymateb i’r alwad honno i weithredu. Ariennir Gwyrdd 24 gan Gronfa Ffyniant Gyffredin, Llywodraeth y DU. Mae’r Gronfa Ffyniant Gyffredin yn gyfle i gymunedau lleol lefelu drwy roi’r cyfarpar sydd ei angen ar unigolion a busnesau ledled Sir Gaerfyrddin nid yn unig i oroesi ond i ffynnu, gan gyfrannu hefyd at newid amgylcheddol cadarnhaol.